عد سبع ايام من ۏفاة جوزي ، ضرتي رمتني ببناتي بره البيت لان المرحوم كتب لها ولاولادها كل اللي حيلته ، اما انا سابلي بيته القديم وقالي ده ورثك بارضه وترابه ، وقتها جريت انا وبناتي حفرنا الارض عشان نعرف مخبي ايه، بس مكانش فيه دهب ولا فلوس، اللي لقيناه كان اغرب بكتير خلاني اتجمدت من الصدمه ولحد انهارده مفهمتش ليه جوزي عمل كده!!!!
كنت قاعدة في الصالة، شايفة الدنيا بتضيق بيا، وساكتة. جوزي عبد القادر كان في عز شبابه لما المړض الخبيث ھجم عليه وتمكن منه في شهور قليلة. الأطباء قالوا كلمتهم الأخيرة مفيش أمل، أيام معدودة.
البيت كان مليان حزن وخوف، بس الخۏف الحقيقي محدش حسه غيري أنا.. مش بس عشان ھيموت وأنا بحبه وكنت بتمنى أشيل وجعه كله، لكن عشان وراه أم مفيش في قلبها رحمة، ومراته التانيه اللي اتجوزها بعد زن من امه كل همها المصلحة وبس
في الوقت ده أم عبد القادر دخلت عليه الأوضة وهو نايم على السرير وقالتله بصوت ناشف
يا ابني فيه حاجه لازم نكلم المحامي ونعملها بسرعه ،بناتك مسيرهم هيتجوزوا ويروحوا لبيوت أزواجهم، فلوسك وأرضك لو راحت لهم يبقى هتروح للغريب! حرام تعب سنينك يضيع برة العيلة، اكتب كل اللي ليك للولدين اللي حيلتك.
ضرتي نطت بسرعة وقالت بتأييد
بالظبط يا حماتي امال تعب الراجل يروح لرجالة غريبة؟ ده إحنا كفاية إنه ھيموت في عز شبابه! ولا إيه رأيك يا عبد القادر؟
انا بصتلهم بۏجع وقولتلهم. ..بس ده ظلم لبناتي
عبد القادر نزل عيونه في الارض من المړض ومن قلة الحيلة. بصلي أنا وبناتي الأربعة الواقفين في زاوية الأوضة، ودموعه لمعت في عينيه، وقال بصوت واطي
أمي معاها حق يا جميلة.. البنات ملهُمش ورث.
الكلمة دمرتني. كنت عايزة أصرخ وأقوله بناتك دول حتة منك!.. بس لما بصيت على وشه، شفت الۏجع والحزن والمړض تانين في ملامحه، صعب عليا أوي. حسيت إنه بېموت، وكنت عارفة كويس إن طول عمره الكلمه اللي بتقولها أمه مفيش فيها نقاش.
بلعت مرارة القهر، وبصيتله وبدموع نزلت ڠصب عني قلتله
ربنا يديك طولة العمر يا أبو البنات، ومالك يفضل ليك.. إنت …ربنا قادر على كل شيء.
خدت بناتي الأربعة ودخلت بيها على الأوضة بتاعتنا، وتحت أنظار النصر والفرحة اللي كانت بتلمع في عيون ضرتي.. اللي ضمنت المستقبل كله
لعيالها على حسابنا.
وفعلاً، مخدش الموضوع أيام.. جابوا المحامي لحد البيت، وكتب كل شبر وكل قرش باسم الولاد الصبيان.
بعدها بكام يوم، جوزي حالته ساءت قوي، لدرجة إنه جمعنا كلنا حواليه وصوته كان يا دوب بيطلع، وقال
أنا كتبت كل حاجة لاولادي الصبيان.. حتى البيت اللي إحنا قاعدين فيه ده.
سكت شوية، واخذ نفسه بصعوبة، وبعدين كمل وقال
بس.. جميلة وبناتها.. سبتلهم بيتي القديم، تلم بناتها فيه.
أنا اټصدمت! البيت القديم؟! البيت ده كان متهالك، واقع، مهدود، وحيطانه متشققه، ده كان كوم تراب وطوب قديم من أيام أبوه!
في اللحظة دي، ضرتي مقدرتش تكتم ضحكتها، وقالت بتريقة
خير ما عملت يا خويا! كتر خيرك إنك سبتلهم مأوى، ده آخرهم أصلاً!.
عبد القادر ما ردش عليها. بصلي أنا، ومد إيده الباردة التعبانة وقال بصوت ضعيف كأنه بيترجاني
قربي يا جميلة.. قربي.
قربت منه بسرعة وحطيت راسي جنب بقه، وبصيت في عينيه لقتهم مليانين كلام كتير مش مفسر. قال لي بصوت هامس
مسمحاني؟.. أنا ھموت وعايزك تبقي مسمحاني.
قلتله بۏجع
من كل قلبي مسمحاك يا حبيبي.. ربنا يجعل يومي قبل يومك.
ابتسم ابتسامة ضعيفة جداً، وضغط على إيدي جامد بقوة غريبة بالنسبة لواحد بېموت، وقال
البيت القديم.. ليكي إنتي والبنات.. ليكي بأرضه وترابه.. فهماني؟ بارضه وترابه!.
مكنتش فاهمة هو قاصد إيه بالكلام ده بالظبط، ولا إيه الحكمة انه يقول بارضه وترابه، بس هو كان حرفيا بېموت. هزيت رأسي بالموافقة عشان أريح قلبه.. وفي اللحظة دي، إيد عبد القادر وقعت من على إيدي، وطلع النفس الأخير.. وماټ!
وماټت معاه كل سعادتي من الدنيا.
بعد أسبوع واحد بس من مۏته، ضرتي متضيعش وقت.. طردتني أنا وبناتي من البيت الكبير، وقالتلي ببرود
يلا يا حبيبتي إنتي وبناتك.. جوزك سابلك خرابه اقعدي فيها.
لمېت هدوم بناتي، وخدتهم ورحنا البيت القديم. لما وصلنا، لقينا البيت فعلاً عبارة عن كوم حجارة ومكان متهالك يخوف.
البنات قعدوا يعيطوا، وقالولي
هنقعد هنا إزاي يا ماما؟ ده مش بيت.. ده مقپرة!.
حضنتهم وأنا دموعي على خدودي، بس وسط العياط، كلمة جوزي فضلت ترن في وداني ليكي بأرضه وترابه.. فهماني؟ بارضه وترابه!.
قعدت أفتكر نظرة عينيه الأخيرة، وضغطته على إيدي. بصيت حواليا في أرضية البيت، لقيت عدة حفر
قديمة من سنين طويلة. وحسيت إن الارض دي وراها سر كبير.
بصيت للبنات وقلت لهم بحزم
ساعدوني.. هنحفر.
وبالفعل، بدأنا نحفر الأرض بالعده اللي في البيت ..وحتى بنتي الصغيره كانت بتحفر معانا بايدها
. كل يوم، كنا بڼموت من التعب والعرق وضرتي كل ما تعرف إننا بنحفر في التراب والخړابة، كانت تتصل عليا تفضل تضحك وتقولي
ها يا جميلة.. لقيتي كنوز سليمان ولا لسه؟ ولا هتحفري لحد ما ټموتي في التراب؟.
كنت بقفل في وشها التليفون من غير ما أرد، وأرجع أكمل حفر بإصرار أكبر
لحد ما اخيرا وقعت عيني فجأة على حاجة غريبة جداً جوه الحفرة.. حاجة مكانتش دهب ولا فلوس.. اللي لقيناه كان أغرب بكتير، خلاني اتجمد مكاني من الصدمة، وبقيت واقفة عيوني مزغللة ومش فاهمة لحد إنهارده.. ليه جوزي عمل كده؟!ملحوظة القصة الكاملة ستجدها مثبتة في التعليقات علي الصفحه دي ورا كل باب حكاية مش في الجروبات اضغط بس ع اسم الصفحه هايطلعلك البوست باللينك
حكايات زهرة الربيع
اللهم صلي على حبيب الله
في اللحظة اللي شفت فيها الحاجة المدفونة تحت أرض البيت القديم، حسيت إن قلبي وقف… لأن اللي كان قدامي ماكانش كنز، ولا دهب، ولا فلوس، كان سر عبد القادر مخبيه عن الدنيا كلها، وسايبه ليا أنا وبناتي، سر لو اتكشف ممكن يقلب حياة عيلتين بالكامل!
فضلت واقفة مكاني، إيدي متعلقة بطرف الحفرة، وعيني مش قادرة تستوعب اللي شايفاه.
صړخت بنتي الكبيرة من ورايا مالك يا ماما؟ إيه اللي حصل؟ إنتِ شفتي إيه؟
ما رديتش.
كانت الحفرة قدامنا واسعة، والتراب متراكم حوالينا، وإحنا بقالنا أيام بنحفر فيها بإيدينا وبالأدوات القديمة اللي لقيناها في المخزن. لكن المرة دي، المجرفة خبطت في حاجة صلبة، ولما شيلنا التراب من حواليها ظهر غطاء حديد كبير، متآكل من الزمن، وعليه قفل قديم.
نزلت على ركبتي، ومسحت التراب بإيدي، فظهر على الغطاء اسم محفور بخط واضح رغم الصدأ
عبد القادر محمود عبد الرحيم.
شهقت بنتي الكبيرة وقالت ده اسم بابا!
بنتي التانية قربت وهي بتترعش يعني بابا كان مخبي حاجة هنا يا ماما؟
حاولت أتكلم، لكن صوتي كان محپوس في زوري.
مديت إيدي ولمست الاسم، وفجأة افتكرت آخر كلام قالهولي وهو على فراش المۏت
البيت القديم ليكي إنتِ والبنات… ليكي بأرضه وترابه.
وقتها افتكرت إنه
كان بيكرر كلمة ترابه بطريقة غريبة، وكأنه بيحاول يوصل لي رسالة
