خادم القوم افقرهم درس في الكرامة غيّر حياة عائلة بأكملها.

وقف مصطفى، وأنا وقفت جنبه.
طارق مد إيده وسلم عليه بحرارة وقال أنا كنت فاكر إن الفلوس هي اللي بتدي الراجل قيمته… لكن النهارده اتعلمت درس عمري ما هنساه. سامحني لو في يوم حسستك إني أحسن منك.
مصطفى ابتسم وقال مفيش داعي للاعتذار. كل واحد بيتعلم.
بعدها بأسبوع، حصلت مفاجأة محدش كان يتوقعها.
الشركة اللي كان طارق داخل فيها بكل فلوسه أعلنت خسائر ضخمة، وشريكه اختفى بعد ما استولى على جزء كبير من رأس المال. في أيام قليلة، اتقلبت حياته، واضطر يبيع عربية من عربياته عشان يسدد التزاماته.
أمي كانت في صدمة، لأنها لأول مرة تشوف إن الفلوس ممكن تروح في لحظة.
وفي نفس الوقت، مدير مصطفى استدعاه في الشغل، وبعد سنين من اجتهاده وأمانته، رقّاه لمنصب أعلى وزود مرتبه بشكل محترم، وكلفه بإدارة فرع جديد.
لما عرفنا الخبر، كنت فرحانة بيه أكتر من فرحتي بنفسي.
قلتله شوفت؟ ربنا عمره ما بيضيع تعب حد.
ابتسم وقال الرزق من عند ربنا، والأهم منه إن الواحد يفضل محترم مهما اتغيرت ظروفه.
بعد أيام، أمي جت تزورنا لأول مرة من غير ما تبلغنا.
أول ما دخلت الشقة، بصت حواليها. كانت بسيطة، لكنها مليانة راحة ونظافة ودفء.
قربت من مصطفى، ودموعها نزلت لأول مرة، وقالت بصوت مكسور
سامحني يا ابني… ظلمتك كتير. كنت فاكرة إن قيمة الراجل في فلوسه، لكن اكتشفت إن قيمته في أخلاقه.
مصطفى قام من مكانه، وقبّل رأسها وقال
حضرتك زي أمي… وأنا شايل من قلبي كل حاجة.
بكت أمي أكثر، وقالت
النهارده عرفت إن الفقير الحقيقي مش اللي معندوش فلوس… الفقير هو اللي معندوش أخلاق.
ومن يومها، انتهتالمقارنات، واتغير أسلوبها مع الجميع، وبقى مصطفى أول شخص تستقبله بابتسامة واحترام كلما دخل بيتها.
النهاية أن الإنسان لا تُقاس قيمته بما يملك، بل بما يحمله في قلبه من أخلاق، وبما يتركه في نفوس الناس من أثر طيب.
كبر ابن مصطفى، وكان كلما سأل عن سر حب العائلة لوالده، ابتسمت جدته وقالت
أبوك علّمنا درس عمرنا ما هننساه… الكرامة ما لهاش تمن.
وفي إحدى المناسبات العائلية، وقف الطفل الصغير يقدم كوب ماء لجده الكبير بكل أدب، فصفق الجميع له.
ابتسم مصطفى وربّت على كتف ابنه وقال
خدمة الناس شرف، لكن عمرها ما تكون إهانة. اللي يخدم غيره بمحبة يبقى كريم، واللي يطلب من غيره الخدمة علشان يقلل منه هو اللي محتاج يتعلم معنى الاحترام.
خفضت الأم رأسها، واغرورقت عيناها بالدموع، وقالت أمام الجميع
أنا غلطت زمان، لكن ربنا كرمني بصهر علّمني إن الاعتذار مش ضعف، وإن الأخلاق هي أغلى ميراث نسيبه لولادنا.
ساد صمت جميل، ثم تعانق أفراد العائلة، وكأن سنوات الجفاء كلها انتهت في تلك اللحظة.
ومن يومها، لم يعد أحد في العائلة ينظر إلى إنسان من خلال ماله أو منصبه، بل من خلال أخلاقه وأفعاله.
وهكذا انتهت الحكاية، لكنها تركت رسالة ستظل باقية
قد يخسر الإنسان مالًا أو منصبًا، لكنه إذا تمسك بأخلاقه واحترم الناس، ربح قلوبهم واحترامهم إلى الأبد.
تمت بحمد الله بعد سنة كاملة، كان عندنا خبر أسعدنا كلنا.
كنت حامل، والدكتور أكد إن كل حاجة ماشية بخير.
لما عرف مصطفى، سجد لله شكرًا، وقال وهو ماسك إيدي نفسي ابننا يطلع محترم قبل ما يبقى غني، ويعرف إن كرامة الناس خط أحمر.
أما أمي، فكانت أول واحدة جابت هدية للبيبي، ودخلت علينا وهي مبتسمة.
قالت الهدية دي لحفيدي… وأهم وصية هقولهاله لمايكبر يبقى شبه أبوه.
ضحك مصطفى وقال يا رب يطلع أحسن مني.
بعد الولادة بشهور، عملنا سبوع بسيط في البيت، ودعينا العيلة كلها.
وأثناء القعدة، خالي قال وهو بيبص لمصطفى فاكرين يوم عزومة المية؟ والله اليوم ده غيّر العيلة كلها.
ضحك الجميع، حتى أمي، وقالت كل ما أفتكره أتكسف من نفسي.
ثم التفتت لولاد أخواتي وقالت اسمعوا مني يا ولاد… عمر الفلوس ما كانت مقياس للرجولة. الرجولة أمانة، واحترام، وكلمة طيبة.
طارق هو كمان اتغير. وبعد ما رجع يقف على رجليه من جديد، بقى يقرب من مصطفى ويستشيره في أمور كتير، لأنه اكتشف إن الحكمة مش مرتبطة بحجم الثروة.
ومع مرور السنين، رزق الله مصطفى بترقية أكبر، وربنا فتح له أبواب رزق واسعة، لكنه فضل بنفس التواضع والبساطة.
وكان كل ما حد يمدحه ويقوله أخيرًا بقيت غني.
يرد بابتسامة أغنى يوم في حياتي، كان اليوم اللي رجعت فيه كرامتي من غير ما أجرح حد.
وأصبحت قصة فقير القوم خادمهم تُحكى في العيلة كلما حاول أحد أن يقلل من قيمة إنسان بسبب ماله، لتكون تذكرة دائمة بأن الاحترام هو أغلى ما يملكه الإنسان، وأن الأخلاق ترفع صاحبها مهما كانت ظروفه.
تمت ورغم إن الحكاية انتهت، إلا إن أثرها فضل عايش سنين طويلة.
بعد عشر سنوات، كانت العيلة كلها مجتمعة في عيد ميلاد ابن مصطفى العاشر.
وسط الضحك والهزار، وقف الولد وقال
بابا… المدرسة طلبت منا نكتب عن الشخص اللي بنعتبره قدوتنا.
ابتسم مصطفى وقال
وكتبت عن مين؟