Uncategorized

ضرتي يوم صباحيتي

الدموع بتنزل من عيني بسكات، كأن روحي طلعت من جسمي. عمري ما تخيلت إن دي تكون النهاية. كنت فاكرة إن مكانتي عند جمال أكبر من كدة بكتير، وإنه مهما حصل مستحيل ينسى عشرة السنين والعيش والملح لمجرد كلمتين رمتهم واحدة لسه داخلة البيت امبارح.
مع أول اختبار حقيقي، كدّبني ونساني بكل سهولة!
رفعت الطرحه لفيتها على راسي بسرعة لإن كنت بشعرى وبلبس البيت، ومشيت وأنا مش قادرة أرفع رجلي على الأرض من كتر الصدمة والۏجع اللي في صدري.
كنت فاكرة إن خلاص.. لحد هنا وانتهت حياتي معاه ومش هتشوفه عيني تاني..
بس اللي جراله هو في اليوم ده، بعد ما مشيت خلاه هيطب من طوله من الصدمة، وطلع يجري في الشوارع يدور عليا زي المچنون.. قدام عيون ضرتي !!!!!
بعد ما جمال قفل الباب في وشي، فضلت واقفة في الشارع مش مستوعبة اللي حصل. كنت حاسة إن رجلي مش شايلاني، وإن كل اللي عيشته معاه في خمس سنين اتمسح في لحظة.
مشيت من غير ما أعرف أنا رايحة فين، وكل شوية أمسح دموعي وأقول لنفسي هو معقول جمال يعمل فيا كده؟ معقول يصدق إني ممكن أعمل حاجة زي دي؟
أما هو، فدخل الشقة وهو متعصب، ونعمة وراه بتمثل إنها مڼهارة، وفضلت تقول له أنا مش عارفة هعيش في البيت ده إزاي بعد اللي عملته فيا مراتك يا جمال! دي كانت عايزة تخلص مني من أول يوم.
جمال كان واقف ساكت، ماسك اللفة اللي لقاها تحت المخدة، وبيبص لها بضيق، وفجأة سمع صوت أمه وهي داخلة من باب الشقة.
كانت راجعة من السوق، وأول ما شافت وشه المتغير والجو المشحون، سألت بقلق مالك يا جمال؟ وإيه اللي حصل؟ وإيه اللي مرمي على الأرض ده؟
جمال رد بعصبية اسألي مراتك الجديدة يا أمي، سعاد طلعت عاملالها وحاطة العمل ده تحت مخدتها، وأنا طردتها من البيت.
أمه وقفت مكانها، وبصت له كأنها مش مصدقة اللي سمعته. إنت بتقول إيه يا جمال؟ طردت سعاد؟
أيوه يا أمي، وخلصنا من الموضوع.
قربت منه وهي مش مصدقة،

قالت بصوت عالي إنت اټجننت؟! سعاد اللي بقالها خمس سنين معاك، واللي كانت بتخدمك وتراعيك وتراعي بيتك، ترميها كده من غير ما تسمعها حتى؟! دي كانت واقفة جنبي وأنا تعبانة، وكانت بتعتبرني أمها، إزاي تعمل فيها كده؟
جمال اتضايق من كلامها وقال يا أمي، أنا شوفت العمل بعيني، هكدب عيني وأصدق كلامها ليه؟
حماته بصت لنعمة وقالت وإنتي يا نعمة، إيه اللي حصل بالظبط؟
نعمة نزلت عينيها وبدأت تمثل العياط والله يا طنط أنا صحيت لقيته تحت المخدة، وأنا مش عارفة مين حطه، بس أكيد سعاد هي اللي عملت كده.
أم جمال قربت من اللفة وخدتها من إيده، وفضلت تفك الخيط الأسود والقماش اللي ملفوف حواليها.
جمال قال باستغراب بتعملي إيه يا أمي؟
ردت عليه عايزة أشوف المصېبة اللي إنت طردت مراتك بسببها.
فكت القماش كله، وفتحت الورقة اللي جواه، وبصت فيها شوية، وبعدين رفعت عينيها لجمال پصدمة.
الورقة كانت فاضية تماماً!
مفيهاش حرف واحد، ولا رسمة، ولا أي كتابة، مجرد ورقة بيضا متنية ومتلفّة في حتة قماش.
جمال خطڤها من إيدها وقال إزاي كده؟! هو أنا مشوفتش بعيني؟ دي كانت ملفوفة بخيط أسود!
أمه ردت عليه بۏجع أيوه، ملفوفة بقماش وخيط، لكن مفيهاش أي حاجة يا جمال! دي ورقة فاضية! يعني إيه ؟ وإنت صدقت الكلام ده إزاي من غير ما تتأكد؟
وبعدين بصت لنعمة وقالت بهدوء مخيف اسأل نعمة.
نعمة وشها اتغير، وحاولت تضحك ضحكة مصطنعة تسألني أنا ليه يا طنط؟ هو أنا أعرف حاجة؟
أم جمال قالت عشان إنتي اللي طلعتي اللفة دي من تحت المخدة، وإنتي اللي اتهمتي سعاد، وأنا عايزة أفهم الورقة دي جت منين.
نعمة بدأت تتلجلج يمكن سعاد حطتها وهي عارفة إن محدش هيصدقها، وبعدين الورقة كانت ملفوفة، أنا معرفش اللي جواها.
جمال فضل باصص للورقة، وبعدين بص لنعمة، وفجأة افتكر حاجة.
قال لها استني، إنتي من شوية قولتي إنك لقيتيها تحت المخدة، صح؟
ردت بسرعة أيوه.
طب إزاي عرفتي إنها عمل؟ وإزاي عرفتي إنه معمول عشان يفرق بينا؟ وإنتي أصلاً ما فتحتيهاش قدامي غير لما دخلت أنا!
سكتت نعمة، وبدأت تبص

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى