الطفلة لينا اصغر ام

لينا مدينا – أصغر أم في التاريخ دي واحدة من اغرب القصص اللي ممكن تقراها.. انا عايزك تجاوبني واسرح بخيالك.. اصغر ام ممكن يكون عندها كام سنة.. سمعنا عن جداتنا زمان انهم اتجوزوا 13 سنة.. وفيه 11 سنة.. يعني اقل واجب يكون عندها 12 سنة علشان تبقى ام..

لكن دي قصة اصغر ام عرفها التاريخ.. لينا مدينا.. لانها كانت حامل وهي 5 سنين.. ايوة انت قريت الرقم صح…

هي قصة غريبة ومزعجة جدا ونادرة جدا… ام لينا لاحظت ان لينا عندها انتفاخ… طفلة 5 سنين.. بطنها بتتنفخ.. فالام قالت ليكون عندها ورم او حاجة.. نكشف عليها.. فخدتها للدكتور.. الدكتور قالها اغرب حاجة ممكن ام لطفلة 5 سنين تسمعها.. قالها بنتك حامل..

والدا لينا مدينا لاحظوا انتفاح في بطن البنت .. راحوا للدكتور اللي بص في الاشعة وقالهم لينا حامل يا ام لينا

الناس اتجننوا .. ازاي حامل؟ .. دي لسة عيلة .. وحامل من مين .. يبقي الدكتور دا مجنون … راحوا لاكتر من حد وكلهم أكدوا حمل لينا .. لينا جاتلها الدورة الشهرية ( دليل علامة بلوغ الانثي ) وهي عندها 8 شهور، وهي 5 سنين الحوض بدأ يتسع.. والعظام كانت بتنمو بشكل غريب..

وعملية ولادتها متوثقة كواحدة من اغرب عمليات الطب واتنشرت بكل مراحلها في في مجلة لا بريس ميديكال.. في الاول قبضوا على ابوها على انه هو السبب في حملها لكن مثبتوش حاجة عليه وطلع.. وخلفت ابنها اللي سموه خيراردو.. على اسم الدكتور اللي ولدها..

كان طفل طبيعي وزنه 2.7 كيلو.. وصحته كويسة.. وفضل الولد مقتنع ان لينا اخته الكبيرة مش امه.. لحد ما وصل عشر سنين..ولما كبرت لينا اشتغلت سكرتيرة عند الدكتور اللي ولدها خيراردو لوسادا.. واتجوزت واحد اسمه راؤول خورادو وخلفوا طفل تاني…

الولد رحل وهو 40 سنة بسبب مشكلة في نخاع العظم.. ولينا عايشة لغاية دلوقتي.. الواقعة حصلت سنة 1933.. وهي حاليا 91 سنة..

وفقا للدراسات اللي اتعملت اللغز مكانش ازاي لينا حملت في السن دا.. لان دا وارد يحصل بسبب خلل هرموني.. لكن اللغز مين سبب الحمل.. او مين والد الطفل.. الاتهامات اتوجهت لابوها.. وبعدين لاخوها اللي بيعاني اعاقة ذهنية… لكن محدش وصل لحاجة.. لان لينا مقالتش خالص.. او حسب الدفكتور ما صرح هي اصلا مش عارفة…

اه علشان الناس اللي بتسأل.. وقتها مكانش فيه دي إن إيه .. إضافة ان القصة حصلت في بيرو.. في عيلة الفقر طاحنها.. فالدنيا مكانتش احسن حاجة