اول يوم جواز ليا

اتقدملي واحد محترم والناس كلها تشهد بأخلاقه لكن كانت عليه علامة استفهام واحدة بس، ولكنها علامة استفهام مش سهلة أبدًا، مراته الأولى اختفت مرة واحدة من البلد كلها، وبما إننا في قرية فالكل عرف بموضوع اختفائها واتقال كلام كتير أوي عن الموضوع، اللي قال طفشت، واللي قال اتخــ,,ــطفت، واللي قال اتق*تلت ، لكن محدش قدر يجزم بالحقيقة على مدار ٦ شهور كاملين، حتى أهلها محدش منهم اتهم الزوج بحاجة ولا قدر إنه يلاقيها، في يوم وليلة البنت اختفت وكأنها مكنش ليها أي وجود..

وأنا من جوايا كنت قلقانة ومتوترة ومش متقبلة فكرة إني أتجوز واحد مراته اختفت بالطريقة دي، بس أمي كانت عنيها بتطلع شرار لما حست إني ممكن أرفض، وده ببساطة لأني داخلة على ٢٩ سنة واتخطبت مرتين وفسخت والناس بقا بياكلوا وشها زي ما بيقولوا..

قررت أقعد معاه وأقرر في النهاية، ولما قعدت معاه استغربت إنه مثالي بدرجة تخوف، متدين ومظهره كويس وأسلوبه مهذب وكمان مرتاح ماديًا وفوق كل ده شكله مقبول جدًا، حاولت أفتح معاه موضوع مراته (غدير) اللي اختفت قالي إنه فعلًا ميعرفش وإنه صحي في يوم ملقهاش في البيت كله وقلب عليها الدنيا على مدار ٣ شهور كاملين لكنه فشل تمامًا إنه يلاقيها أو يلاقي أي خيط يدله على مكانها، وفعلًا قدر يقنعني في النهاية إنه مالوش أي ذنب في موضوع اختفائها وقررت أوافق في النهاية لأنه فعلًا عريس ميترفضش إطلاقًا..

وفي النهاية عملنا فترة خطوبة قصيرة جدًا وحددنا ميعاد كتب الكتاب والفرح، وقبل الفرح بتلت أيام بس اتحـ,,ـرقت شـ,,ـقته اللي كان جهزها تمامًا فوق شـ,,ـقته القديمة عشان تكون مسكن الزوجية بتاعتنا، كانت صدـ,,ـمة ما بعدها صدـ,,ـمة ومحدش كان عارف الشـ,,ـقة ولعت بالصورة دي ازاي، وأنا عشان بنت أصول أديته كل دهب الشبكة عشان يبيعه ويجدد بيه الشبكة رغم إن الشـ,,ـقة كانت محتاجة مبلغ وقدره، ووالدي عرض عليه كمان يساعده ووقفنا جمبه بكل مقدرتنا، وقررنا نستنا ٦ شهور لحد ما يقدر يجدد الشـ,,ـقة، لحد ما أمي طلعت باقتراح غريب وفي نفس الوقت الكل وافق عليه..