اول يوم جواز ليا

قالت نعيش في شـ,,ـقته بتاعت مراته اللي هـ,,ـربت، وبما إنها شـ,,ـقة جاهزة من كل حاجة فليه لا، وفضلوا يلحوا عليا عشان أوافق، ولما قولت واستفسرت عن اللي هيحصل لو مراته الأولى ظهرت قالي إنه هيكون جهز شـ,,ـقتي وكمان احتمال كبير لو ظهرت يطلـ,,ـقها إلا لو قالت سبب قوي برا إرادتها يبرر اختفائها ده، وإن ده مستبعد تمامًا، وغالبًا مش هيحصل، وفي النهاية ومع الضغط وافقت ولأن الفرح كمان كان اتحدد وعزمنا الناس..

وبعد ما وافقت حصلت أكتر من مشكلة لدرجة إن أختي وأمي نضفوا الشـ,,ـقة يوم الفرح الصبح وسابوا هدومي في الشنط ملحقوش يحطوها في الدولاب بسبب هدوم مراته الأولى وعشان ميزعلش إنهم رموها أوشالوها، وفعلًا دخلت الشـ,,ـقة بالليل ومن جوايا قلق وخوف غريب، لدرجة إني طلبت منه فعلًا إننا نهدى الليلة دي ومنقربش من بعض لأني متوترة وقلقانة، وهو فعلًا تفهم الموضوع وقالي لما أهدى خالص يبقا نتكلم..

دخلت أرص حاجتي في الدولاب لقيت كل هدوم مراته الأولى، حسيت بتوتر وقلق أكبر ومرصتش أي هدوم لحد ما يجمع الهدوم بنفسه بكرا ويحطها في شنط ويشيلها بعيد لأني فعلًا مكنتش قادرة، ووسط كل التوتر ده لقيت رسالة جتلي على الموبايل، إشعار بسيط يادوب لمحت الكلمة اللي فيه..

هتتحـ,,ـرقي زي ما حرقت شـ,,ـقتك…

وقبل ما أستوعب اللي حصل أو أشوف الرسالة ملقتهاش، وكأنها متبعتتش من الأساس، وده خلاني أخاف أكتر ومعرفتش أنام من التفكير غير بعد الفجر، وحتى لما نمت شوفت كمية كوابيس غير طبيعية، ولما صحيت حسيت إن ريحة الشـ,,ـقة مكتومة وكلها دخان، لدرجة إني كنت هتخنق فعلًا لولا إني فتحت كل الشبابيك وعطرت الشـ,,ـقة كلها..