منوعات

عم طه

عمرك سمعت عن الترند المسروق؟

 

بنت 20 سنة من المنيا بتدرس في جامعة بني سويف كانت واقفة النهارده الصبح مع زميلاتها قدام مزلقان السادات والحواجز مقفولة عشان القطر يعدي وكله واقف مستني..

 

القطر عدّى.. بس المزلقان فضل مقفول

 

ليه؟ لأن فيه قطر تاني جاي من الاتجاه المعاكس ويعتبر كله شايفه

 

بس الوحيده الي مكنتش شيفاه هي البنت.. ولمجرد معدي القطر الأولاني بصت قدامها لقت الطريق فاضي.. وقررت تعدي..

 

وفجأة… لقت القطر التاني جاي في وشها!!

 

مفيش وقت تفكر.. مفيش وقت ترجع لورا، ولا تجري من قدامه.. رجليها أتجمدت مكانها وكأن كل حاجه وقفت في اللحظة دي.. ما عدا صوت القطر وهو بيقرب… وخلاص هتحصل الكارثة!

 

وهنا ظهر بطل قصتنا.. الراجل البسيط وعامل المزلقان “طه علي” ..

 

اللي من وسط الناس كلها.. ومن وسط زميلاتها اللي واقفين جنبها.. كان هو الوحيد اللي عينه عليها.. وأول ما شافها ماشية ناحية القضبان نده عليها ياستاذة!! يابنتي وقفي!! وجري عليها بأقصى سرعته وهو بيزيح الناس الي واقفين فطريقه مصدومين من المنظر الصعب الي هيشوفوه..

 

بس الناس مسكوه وحاولوا يمنعوه وقالوله “أرجع هتموّت نفسك مش هتلحقها خلاص!”

 

بس طه ولا كأنه سامعهم و زاح إيديهم وفلت منهم وأصر إنه يوصل للبنت..

 

وبالفعل.. قدر طه يوصلها ويمسكها من شنطتها ويشدّها لورا قبل ما القطر يعدّي بثانيتين بس.. ثانيتين!!

 

البنت نجت.. وكأن ربنا وضع العامل البسيط ده في المكان الصح، في الوقت الصح عشان ينقذها

الطالبة كانت منهارة وبتاخد نفسها بالعافية من رهبه الموقف.. والناس وزميلاتها حواليها بيهدّوها.. وطه طمنها أنها بخير وسلمها للناس وطلع كمّل شغله ولا كأنه فيه اي حاجه حصلت!!.. بس زمايله في الشغل لما شافوا الي حصل فالكاميرات أصروا إن الفيديو ينزل على الميديا عشان الناس كلها تشوف بطولته وإيثاره..

 

هما دول المصريين.. المصريين بجد.. مش بتوع التيك توك والمهرجانات والريد كاربت.. هو ده اللي بيحببنا في بلدنا ويخلينا لآخر رمق بنبوس ترابها، ونتحمل الكرب والابتلاء والغلاء.. هي دي المواقف اللي بتفكرنا إن الخير لسه فينا، وبتخلينا مهما حصل متمسكين بالأمل وعندنا يقين إن مسير بكرة هيبقى أحلي.. طول ما فيه الي زي عم طه ❤️🇪🇬

الطالبة كانت منهارة وبتاخد نفسها بالعافية من رهبه الموقف.. والناس وزميلاتها حواليها بيهدّوها.. وطه طمنها أنها بخير وسلمها للناس وطلع كمّل شغله ولا كأنه فيه اي حاجه حصلت!!.. بس زمايله في الشغل لما شافوا الي حصل فالكاميرات أصروا إن الفيديو ينزل على الميديا عشان الناس كلها تشوف بطولته وإيثاره..

 

هما دول المصريين.. المصريين بجد.. مش بتوع التيك توك والمهرجانات والريد كاربت.. هو ده اللي بيحببنا في بلدنا ويخلينا لآخر رمق بنبوس ترابها، ونتحمل الكرب والابتلاء والغلاء.. هي دي المواقف اللي بتفكرنا إن الخير لسه فينا، وبتخلينا مهما حصل متمسكين بالأمل وعندنا يقين إن مسير بكرة هيبقى أحلي.. طول ما فيه الي زي عم طه ❤️🇪🇬

 

شكرًا يا عم طه.. قال تعالى: ﴿وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا﴾

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى