مع السلامة يا أم بنتي.. هتوحشيني يا ياسمين يا أم أطيب قلب المخرج خضر محمد خضر مقدرش يتمالك نفسه قدام نعش طليقته ياسمين أبو النجا، بنت الفنانة نجلاء فتحي وبكى وهو بيحتضنه وكمان بيقبله.. في مشهد صعب على كل اللي حضروا الجنازة.. لدرجة إن كل الحضور كانوا مستغربين وفكروا إنهم رجعوا لبعض قبل رحيلها.
لكن الحقيقة إنهم مرجعوش لبعض لكن كان في بينهم صداقة قوية وعشرة عمر، علشان كدا طليق ياسمين بنت نجلاء فتحي بمجرد ماعرف خبر رحيلها وهو منهار ومش مصدق وكان أول واحد حاضن نعشها وبيعيط بشكل هيستري جدا.
جنازة الراحلة ياسمين سيف الله أبو النجا، بنت الفنانة القديرة نجلاء فتحي، كانت مليانة حزن، خصوصًا إن رحيلها جه بشكل مفاجئ وهي عندها 44 سنة.
ومن أكتر المشاهد اللي لفتت أنظار الحاضرين، ظهور طليقها المخرج خضر محمد خضر في حالة انهيار وحزن شديد، وهو بيودّعها وبيحتضن نعشها خلال تشييع الجثمان.. وكأنه مش مصدق إنها سابته وفرقت الحياة في غمضة عين نتيجة توقف عضلة القلب.
ورغم إن خضر وياسمين كانوا انفصلوا عن بعض، لكن السنين الطويلة اللي جمعت بينهم، ووجود بنتهم الوحيدة زينب خلّى لحظة الوداع صعبة ومؤثرة جدًا.
الرحيل المفاجئ لياسمين خض أسرتها وكل اللي عرفوها، وده لأنها قبل ساعات كانت قاعدة وسطهم بتضحك وتهزر ومش بتعاني من أي تعب.
والدها، المهندس سيف الله أبو النجا، أعلن إن سبب رحيلها كان وعكة صحية مفاجئة، وسط حالة من الحزن بين أفراد الأسرة والمقربين منها.
مشهد المخرج خضر محمد خضر وهو منهار قدام نعش طليقته كان من أكتر اللحظات اللي أثرت في الحاضرين.. مشهد بيأكد إن حتى لو الانفصال أنهى العلاقة بين شخصين، سنين العِشرة والذكريات ووجود بنت بينهم ممكن يفضلوا رابطينهم ببعض مهما حصل.
علشان كدا كان قاعد جنب بنته زينب ومتأثر وبيبكي على طليقته ياسمين اللي رحيلها أحزن الوسط الفني كله.تخيلوا رد فعل طليق ياسمين بنت الفنانة نجلاء فتحي لما سمع خبر رحيلها المفاجيء.. الحقيقة مكنش متوقع أبدا خصوصا انهم منفصلين من سنين طويلة
بعد إعلان رحيلها، المخرج خضر محمد خضر، طليق ياسمين ووالد بنتها، نعيها بكلمات مؤثرة جدًا، رغم إن زواجهما انتهى من فترة.
خضر كتب على حسابه على «فيس بوك: رحلت إلى رحمة الله أم ابنتي السيدة ياسمين سيف الله أبو النجا..
الكلمات دي رجعت قصة خضر وياسمين للواجهة من جديد، خصوصًا إن علاقتهم كانت لسنين طويلة بعيدة عن أي مشاكل قدام الناس.
خضر محمد خضر كان متجوز ياسمين أبو النجا لأكتر من 15 سنة، وعاشوا حياتهم بعيد عن الأضواء، خصوصًا إن ياسمين نفسها كانت بتحب الخصوصية جدًا، وماكانتش بتظهر كتير في المناسبات الفنية، رغم إنها بنت واحدة من أشهر نجمات السينما المصرية.
لكن في سنة 2020، حصلت لقطة شهيرة جدًا قلبت السوشيال ميديا، لما ظهر خضر مع ياسمين على السجادة الحمراء في مهرجان الجونة السينمائي.
وقتها خضر شال جزمة زوجته بإيده بعدما تعبت من لبسها، واللقطة انتشرت بشكل كبير، والناس وقتها أطلقوا عليه لقب جنتلمان السنة.
ناس كتير شافت اللي عمله حركة رومانسية وجميلة، وإنه كان بيحاول يريح زوجته ويدعمها، لكن ناس تانية شافت إن الموضوع مجرد لقطة قدام الكاميرات.
لكن في النهاية، الصورة فضلت واحدة من أشهر اللقطات اللي جمعت خضر وياسمين، ومحدش وقتها كان يتخيل إن العلاقة اللي ظهرت بالشكل ده قدام الناس هتنتهي بعد كام سنة بالانفصال.
وفي سنة 2025، اتفاجئ الجمهور بخبر زواج خضر محمد خضر من فتاة لبنانية من خارج الوسط الفني.
وساعتها بدأت الأسئلة: إمتى حصل انفصال خضر وياسمين؟ وليه محدش كان عارف؟
لكن الحقيقة إن الانفصال تم في هدوء ومن غير أي مشاكل أو تصريحات متبادلة، وكل واحد فيهم اختار يكمل حياته بعيد عن الضجة والإعلام.
واللافت إن بنتهم زينب حضرت حفل زفاف والدها، في مشهد أكد إن العلاقة بينهم كزوجين انتهت، لكن فضل بينهم رابط أهم وهو إنهم أب وأم لبنت واحدة.
ياسمين نفسها اختارت طول حياتها إنها تبقى بعيدة عن عالم الفن والشهرة، رغم إن والدتها نجلاء فتحي واحدة من أشهر نجمات السينما المصرية، ووالدها سيف أبو النجا فنان معروف بجانب عمله في الهندسة.
وكان ظهور ياسمين قليل جدًا، ومن أشهر ظهورها كان برفقة خضر في مهرجان الجونة، واللي وقتها اتخطفت فيه الأنظار بسبب لقطة الحذاء الشهيرة.
لكن النهارده، وبعد رحيلها المفاجئ، رجعت كل تفاصيل حياتها وقصة زواجها بخضر للواجهة من جديد.
والأكتر تأثيرًا إن الشخص اللي كان في يوم من الأيام زوجها، أصبح النهارده بينعيها باعتبارها أم ابنته، وبيطلب من الناس الدعاء لها بالرحمة والمغفرة.
