ذر سري يوقظ

انا سبت بيت جوزي وكنت هتطلق عشان الحشرات ، كنت الاقي فيران وصراصير ونمل وغيره بصوره عجيبه ، والاسوء ظهور العقارب والافاعي ، عملت المستحيل عقمت وجبت مبيدات غاليه وروحت للمشايخ وحصنت البيت بس مفيش فايده ، كنت فاكره حياتي باظت كده لحد ما جات خالة جوزي من البلد وهيه الوحيده اللي كشفت سبب المشكله وعرفت تحلها في يومين!!
من اول ما اتجوزت وانا مش شايله اي هم، حياتي كانت هادية ومستقرة مع جوزي وربنا رزقني بولد وبنت زي القمر ، لحد ما فجأة… كل حاجة اتقلبت ،
البداية كانت بسيطة بس مستفزة، نمل! بس مش أي نمل، نمل بكثافة رهيبة ومنتشر في كل شبر. أقسم بالله كنت أفتح أكياس الرز والسكر المقفولة ألاقي النمل جواه! أفتح الدولاب ألاقيه مالي الهدوم . قلت عادي، رشيت بودرة ومبيدات ، بس بعد كده… !
الموضوع اتطور بشكل يجنن العقل. فجأة وبدون أي مقدمات، الصراصير بقت تطلعلي من تحت الأرض، وحجمها يخوف. وبعدها الفيران! بقت تطلع من كل حته في البيت بطريقة مقرفة

وتقشعر البدن، أدخل المطبخ ألاقي فار واقف على الرخامة، أفتح الحمام ألاقي فار طالعلي من البانيو! أنا وجوزي كنا هنتهبل، ، أنا ست بيت غاوية نظافة، بيتي ده كان منظره يشرح القلب، وشقة متشطبة لوكس على أحدث طراز، مفيش خرم ولا حتة مفتوحة، وعمري ما سبت مواعين في الحوض ولا حتة زبالة بايتة الحاجات دي بتدخل منين وبيجو بالسرعة والكثرة دي إزاي؟!
عملت كل اللي يتخيله عقل. جبت أغلى المبيدات من الصيدليات، وجبت أدوات صيد وأشكال وألوان من المصايد، وكلمت أكبر شركات رش الحشرات… يجوا يرشوا الشقة بكيماويات تخنق، وأعمل دورة نظافة كاملة وأعقم البيت بأسطول ديتول وكلور، ويادوب الشركة تمشي من هنا، ونفس القرف يرجع ألعن من الأول!
ولحد هنا وكانت عيشتنا جحيم، بس اللي جاي كان كابوس بجد…
في يوم داخلة أوضة أطفالي بالليل، ألمح حاجة سودا بتتحرك جنب السرير، بأيد النور لقيت عقرب سجين ورافع ديله! أنا صرخت صرخة جابت العمارة كلها. وبعدها بيومين ألاقي أفعى صغيرة ملفوفة

تحت كنبة الصالة! عيالي بقوا يترعبوا ومابيناموش، البنت والولد حالة الهلع سكنتهم، والبيت بقى بيئة جحيم ورعب، مبقتش قادرة أقف على رجلي ولا آكل ولا أشرب.
من كتر ياسي والخوف على ولادي، بدأت أسمع لكلام الناس. اللي يقولي ده سحر معمولك في البيت عشان تتطلقي، واللي يقولي ده حسد وقر مركز على نظافة بيتك وحياتك. جريت عند العطارين وجبت خلطات وبخور وأعشاب، ورحت لمشايخ وشيوخ يجوا البيت يقرأوا قرآن ويرشوا مية بمحلب وملح خشن… كل واحد ييجي بكلمة وطريقة شكل، وأنا متعلقة بقشة وبنفذ وأنا بعيط. أصحى التاني يوم ألاقي العقارب والفيران بتتحرك عادي جداً ولا كأن فيه حاجة اتعملت!
خفت على عيالي يتأذوا أو يتلغزوا من عقرب ولا حية، الموضوع بقى فوق طاقتي وتفكيري، أخدت هدومي وهدوم ولادي وسبت البيت ورحت عند أهلي. كنت قاعدة هناك دموعي مابتجفش، وحاسة إن بيتي اتخرب وحياتي اتقفلت في وشي وخلاص هتطلق الاستمرار في المكان ده كان معناه الموت وجوزي رافض نسيب البيت وبيقول

معندهوش امكانيات لايجار او شقه جديده.
لحد ما جه يوم، لقيت الباب بيخبط وجوزي داخل، ومعاه خالته.. ست كبيرة جاية من الأرياف. جوزي بصلي وقاللي خالتي عرفت باللي بيحصل وجاية عشانك وعشان البيت.
أنا استغربت جداً ورحبت بيها وقعدتها، وقلت في نفسي يعني الدكاترة والشركات والمشايخ معرفوش، الخالة هي اللي هتفهم؟. بس لما قعدنا واتكلمنا، اللي قالتهولي خالة جوزي كان أغرب وأعجب كلام سمعته في حياتي كلها! كلام عمره ما كان يخطر على بالي ولا على بال بشر، والاغرب بقى إن الكلام ده طلع هو السبب الحقيقي فعلا وقدرت تحل الكابوس ده كله في يومين اثنين ..واللي عملته مستحيل حد يستوعبه !!!!!
جمعت الخالة نفس عميق، وباركتلي على سلامتي وعلى عيالي، وبصتلي بعيون شبعانة حكمة وقالتلي بصوت هادي ومترزن
يا بنتي.. السحر والحسد حق، والقرآن شفاء، بس ربنا خلق للكون ده أسباب وقوانين.. اللي بيحصل في بيتك ده مش عمل ولا جن، ولا المبيدات نافعة معاه، لأنك بتحاربي العرض وسايبة