كل شهر كنت بدي اهل جوزي 10000الاف جنيه

قضايا وتأجيل.. أنا هخلعه وأرمي له حاجته في الشارع.
رد عليا في ثواني جاهز يا فندم.. بكره الساعة 10 الصبح هكون في انتظارك بالملف كامل.
قعدت على الكرسي وبدأت أفكر.. أحمد مشكلته مش بس السجن، أحمد مشكلته إنه غبي.. والغبي لما بيقع، بيجر معاه كل اللي ساند عليهم. أنا مكنتش ناوية أسلمه للشرطة فوراً، السجن ده هيكون الكارت الأخير.. أنا عايزة أدبه الأول.. عايزة أخليه يشوف كل اللي بناه بفلوسي الحرام وبمرتبي وهو بيتهد طوبة طوبة قدام عينيه.
تاني يوم الصبح، الشمس طلعت والجو هدي.. حمايا صحي، جهزت له فطور خفيف وكوباية شاي.. قعد معايا وهو مكسوف يبص في وشي
أنا ماشي يا بنتي.. وبعتذر لك تاني وتالت عن اللي ابني عمله.. أحمد طول عمره طماع، وأمه هي اللي زودت الطمع ده في قلبه.. ربنا ينصفك يا مروة، وإنتي معاكي الحق في كل اللي بتعمليه.
مع السلامة يا حاج.. وإنت مالكش ذنب، وهيفضل احترامك في قلبي زي ما هو.
نزل حمايا، وأنا لبست طقم فورمال أنيق، حطيت ميك اب خفيف عشان أداري أثر الزرقان البسيط اللي تحت شفتي، وأخدت الدوسيه الأسود ونزلت على مكتب المحامي في المهندسين.
الأستاذ فريد استقبلني بترحيب كبير، وقعدنا راجعنا الورق.. عينه لمعت وهو بيقرأ الأرقام
يا بشمهندسة مروة.. ده مش مجرد اختلاس.. ده تنظيم عصابي صغير.. أحمد مكنش بيعمل كده لوحده، أكيد في حد معاه في الحسابات أو المخازن بيسهل له الفواتير دي ويختمها.
طبعاً يا متر.. وده اللي أنا هكتشفه بكره لما أنزل الشركة.. أنا مش هقدم البلاغ دلوقتي.. أنا هروح بكره الفرع بتاعه بصفتي مديرة الرقابة المالية الإقليمية.. هعمل لجنة تفتيش مفاجئة على فرع الصيانة.. وعايزة أحمد يشوفني وأنا داخلة من باب الشركة والكل بيضرب لي تعظيم سلام، وهو قاعد على مكتبه مستني مصيره.
الأستاذ فريد ابتسم وقال
إنتي مدرسة في التخطيط يا مروة.. كده إحنا هنرفع دعوى الخلع بكره، ونثبت حالة الاعتداء بالتقرير الطبي اللي معاكي.. وبالنسبة للعربية، التوكيل اتلغى رسمي من دقيقة واحدة، والجواب هيروح للمرور وللشركة عشان يتسحب منه حق القيادة لو العربية تابعة لأي جهة، بس بما إنها باسمك، فإحنا هنبعت له إنذار رسمي بتسليم العربية في خلال 24 ساعة وإلا هتبقى سرقة.
تمام جداً يا متر.. سيب لي بقى موضوع الشغل ده، أنا هربيه بطريقتي.
يوم الأحد الصبح.. الساعة 9 بالدقيقة.
وصلت مقر شركة الأدوية والخدمات الطبية في القاهرة الجديدة.. نزلت من عربيتي بكامل أناقتي.. الموظفين في الاستقبال وقفوا باحترام أهلاً يا فندم.. خطوة عزيزة يا بشمهندسة مروة.
أهلاً بيكم.. اطلبوا لي مدير فرع الصيانة البشمهندس طارق، وقولوا له إني عازمة نفسي عنده في المكتب حالا ومعايا فريق التفتيش المالي بالكامل.
طلعت الدور الرابع.. وأنا ماشية في الممر، عيني جت على مكتب أحمد.. كان قاعد، وشه أصفر، وتحت عينه هالات سودا باين إنه مانامش بقاله يومين.. كان ماسك ورقة وقلم وبيحسب حسابات، غالباً بيشوف هيجيب منين تمن قسط كريم أو فواتير أمه.
أول ما شافني.. وقف من على الكرسي ومشي خطوتين ناحيتي وصوته بيرتعش
مروة.. إنتي جيتي؟ أرجوكي اسمعيني..
مشيت من جنبه وكأنه هوا.. مابصيتش له حتى.. دخلت مكتب البشمهندس طارق مدير الفرع اللي استقبلني بذهول وخوف، لإن نزول المديرة المالية بنفسها معناه إن في كارثة في الحسابات.
أهلاً يا فندم.. خير يا بشمهندسة؟ في حاجة مش مظبوطة في ميزانية الفرع؟
قعدت على الكرسي الجلدي الكبير، وحطيت الدوسيه الأسود على مكتبه
أهلاً يا باشمهندس طارق.. في جرد مفاجئ على فواتير المشتريات وقطع الغيار الخاصة بقسم الصيانة عن السنتين اللي فاتوا.. وعايزة كل الدفاتر تطلع حالا.. وعايزة البشمهندس أحمد عبد الحميد يدخل هنا حالا ومعاه لابتوب الشغل بتاعه.
طارق وشه جاب ألوان، وضغط على زرار الإنتركم
ابعت لي البشمهندس أحمد فوراً للمكتب.
بعد دقيقتين، الباب اتفتح ودخل أحمد.. كان بيبص لي بنظرات كلها رجاء وتوسل، وكأنه بيقول لي بلاش تفضحيني قدام مديري..
قعدت بكل برود، وبصيت لطارق وقلت
باشمهندس طارق.. في فواتير خرجت من الفرع هنا لشركة اسمها الأمل للتوريدات الطبية.. إجمالي الفواتير دي 450 ألف جنيه في السنتين اللي فاتوا.. لما راجعنا السجل التجاري للشركة دي، اكتشفنا إنها شركة وهمية مفيش لها وجود على أرض الواقع.. ومين اللي ماضي على استلام قطع الغيار دي وفواتير الصرف؟ البشمهندس أحمد.
طارق اتصدم وبص لأحمد بغضب
إيه الكلام ده يا أحمد؟ الكلام ده صحيح؟ إنت بتتعامل مع شركات وهمية من ورايا؟
أحمد كان هيقع من طوله.. ليرقانه بان، وبدأ يتلعثم
يا فندم.. والله.. دي غلطة.. أنا كنت.. كنت فاكر إن الشركة مسجلة.. أنا مكنتش أعرف..
قاطعته بصوت حاد وقوي هز الأوضة
مكنتش تعرف إيه يا بشمهندس؟ مكنتش تعرف إن التوقيع التاني اللي على الفواتير هو توقيع محاسب الموقع اللي استقال من 6 شهور؟ وإنت كنت بتزور إمضاه بعد ما مشي عشان تكمل السحب النقدي؟
التفتّ لمدير الفرع وقلت له بثبات
باشمهندس طارق.. بحكم سلطتي الماليّة، أحمد عبد الحميد موقوف عن العمل من دقيقة واحدة.. وهيتم التحفظ على لابتوب الشغل بتاعه.. وهيتم تشكيل لجنة قانونية داخلية للتحقيق معاه بكره الساعة 10 الصبح في مقر الإدارة العامة.. لو ثبت الاختلاس بالتزوير، التقرير هيترفع للنيابة العامة مباشرة بتهمة الاستيلاء على أموال الشركة وتزوير محررات رسمية.
أحمد دموعه نزلت قدام مديره.. فقد كل ذرة كرامة كانت باقية له.. وبدأ يصرخ بصوت مكتوم
مروة.. حرام عليكي.. أنا جوزك! بتعملي فيا كده ليه؟ عشان فلوس؟
وقفت من على الكرسي، ولميت ورقي، وبصيت له بنظرة حاسمة وقاتلة
إنت خسرت حقك في كلمة جوزك من دقيقة ما إيدك اترفت عليا يا أحمد.. ومن النهارده، أنا مش مروة السيد مرأتك.. أنا المديرة المالية اللي هتحاسبك على كل مليم سرقته.. وعلى كل وجع سبته في قلبي وفي وشي.. وبالمناسبة.. قض..ية الخلع ارفعت من ساعة.. وجواب إلغاء توكيل العربية في طريقه للمرور والشركة دلوقتي.. يعني من بره الباب ده.. إنت هتمشي على رجليك.. ومفيش عندك بيت ترجع له.. ومستقبلك كله بقى في إيدي أنا.
سبته واقف في المكتب زي الصنم، وخرجت.. الممر كله كان واقف يتفرج.. الموظفين كلهم كانوا بيبصوا له بصدمة بعد ما كان عايش دور المهندس الكبير المحترم اللي مراته مديرة غنية ومظبطاه..
نزلت ركبت عربيتي.. وأنا بسوق، حسيت بنوع من الراحة النفسية عمري ما حسيته من خمس سنين.. بس جوايا كان بيقول لي إن الموضوع لسه مخلصش.. أحمد لما يلاق نفسه هيتسجن، وعيلته تلاقي إن الفلوس والمصلحة ضاعت، هيتحولوا لوحوش كاسرة.. وهيحاولوا يعملوا أي حاجة عشان يلووا دراعي..
وفعلاً.. مكنتش أعرف إن حماتي أمينة وكريم كانوا في اللحظة دي بيخططوا لمصيبة تانية خالص.. مصيبة تخليني أندم على اليوم اللي فكرت فيه أتحداهم.. مصيبة هتقلب الموازين كلها في الفصل الجاي..
4
ثمن العيش والملح ج 3 والاخير حكايات مني السيد
الفصل الرابع
كنت سايقة عربيتي في شوارع القاهرة الجديدة، وجوايا طاقة غريبة مخلية إيدي ثابتة على الدريكسيون. الشمس كانت حامية، بس البرود اللي جوايا كان أقوى من أي حرارة. مكنتش خايفة من تهديدات أحمد، ولا من نظرات الصدمة اللي شفتها في عيون الموظفين في الشركة. أنا كنت حاسة إني أخيرًا باخد حقي من سنين استغلال ووجع قلب.
تليفوني رن، كان المتر فريد نصار. فتحت الإيربودز ورديت بهدوء
أهلاً يا متر، طمنّي.
كله تمام يا بشمهندسة. دعوى الخلع اتقيدت رسمي، وبكره الصبح المحضر هيكون بيمضي أحمد في الشركة أو في بيت أهله بالطلب. وبلاغ التعدي والضرب اتقدم بالتقرير الطبي، وفوق ده كله، جواب إلغاء التوكيل العام وتوكيل العربية اتسجل في المرور وفي الشهر العقاري.. الباشمهندس دلوقتي ماشي ملط قانونياً يا فندم.
ابتسمت وركنت العربية على جنب قدام كافيه هادي
تسلم إيدك يا متر.. تفتكر رد فعلهم هيكون إيه؟ أحمد مش بتاع سجن، أحمد جبان، بس أمه وكريم هما اللي بيمشوه.
أحمد دلوقتي في خانة اليك يا مروة.. الحرامي لما بيتكشف، يا إما بيستسلم ويطلب السماح، يا إما بيلف ويزأر زي الأسد المجروح ويحاول يهد المعبد على اللي فيه.. خدي بالك من نفسك اليومين دول، وماتقعديش في الشقة لوحدك.
متقلقش يا متر، الشقة فيها أمن وبواب، وأنا مش هسيب حقي.
قفلت مع الأستاذ فريد ونزلت دخلت الكافيه، طلبت قهوة سادة وقعدت أراجع حساباتي على اللابتوب. كنت عايزة أشوف الأرقام التانية بتاعة فرع الصيانة، وأقفل المحاضر الماليّة بالكامل عشان لجنة التحقيق اللي هتنزل بكره الصبح. كنت مندمجة جداً في شيتات الإكسل، لحد ما تليفوني رن برقم غريب.
رديت
ألو؟
مروة.. معايا؟
كان صوت داليا، مرات كريم.. صوتها كان واطي وبتتكلم وهي بتنهج وكأنها بتستخبى من حد.
خير يا داليا؟ بتتصلي ليه؟ مش إنتي لميتي حاجتك ومشيتي مع العيلة الكريمة؟
مروة، أرجوكي اسمعيني ومتقاطعيش كلامي.. أنا بكلمك من ورا كريم وأمه.. البيت عندنا قايد نار، وأحمد رجع من الشركة منهار وبيكسر في البيت، وأمه عمالة تصوت وتقول البت دي هتحبس ابني وتضيع شقا عومرنا.
والله؟ وده المطلوب.. يستاهل ويستاهلوا.. إنتي إيه اللي حشرك في الموضوع؟
مروة.. أنا مليش ذنب في اللي حصل.. أنا كنت فاكرة إن الفلوس دي فلوس كريم وشغله.. بس مش ده المهم دلوقتي.. أنا بكلمك عشان أحذرك.. كريم وأمه بيخططوا لمصيبة.. هما عارفين إنك مش هتنازلي عن قض..ية الاختلاس، وعارفين إنك رفعتي خلع.. كريم قال لأحمد البت دي لازم تتكسر.. لو اتفضحت، إحنا نتفضح معاها.. مفيش غير حل واحد.. إحنا نروح لها الشقة ونقعد فيها غصب، ونعمل لها فضيحة في المنطقة والشركة، ونقول إنها سرقت فلوس أحمد وإن الشقة دي بفلوسه وهو اللي كاتبها باسمها صورية!.. مروة.. هما ناوين ييجوا لك بالليل ومعاهم ناس بلطجية من قرايبهم من البلد عشان يكسروا باب الشقة ويقعدوا فيها ويسحلوكي لو وقفتي قدامهم!
سكت ثانية.. الدم حسيته غلي في عروقي، بس ما اتهزيتش.. الخبث بتاع الحاجة أمينة وكريم ملوش حدود.. عايزين يقلبوا الترابيزة ويحولوا الحرامي لضحية..
وانتي بتقولي لي كده ليه يا داليا؟ إيه المقابل؟ إنتي مش كنتي قاعدة الأسبوع اللي فات تتمنظري بفلوسي وضوافرك الجديدة؟
داليا عيطت في