رواية دانا وماسة للكاتب عادل عبد الله

ماما خليكي قاعدة انتي واختك لحد لما ابوكي يرجع .قالت رايحة عند اهلي خلاص مش هينفع اكمل مع الرجل ده انا تعبت وجبت اخري منه خلاص .
خدينا معاكي يا ماما متسبناش لوحدنا .
لا خليكم هنا ابوكم كلها شوية و يرجع خليكم قاعدين معاه .
لا احنا عاوزين نروح معاكي .
بكينا انا ودانة ومسكنا في هىدوم ماما علشان متسبناش وتمشي وفضلنا نترجاها تاخدنا معاها .
طيب تعالوا معايا وامري لله .
نزلنا انا ودانة مع ماما وروحنا عند تيتا .
اول ما دخلنا عند تيتا ماما اترمت في حضڼ تيتا و قعدت تبكي وتيتا تحاول تهديها وانا ودانة قعدنا علي السىرير وماما قعدت تحكي لتيتا علي اللي كل اللي حصل بينها وبين بابا .
تيتا طيب خلاص معلش يا حبيبتي لما ييجي هنا هخلي ابوكي يشد عليه ويربيه علشان ميزعلكيش تاني .
ماما لا لا خلاص انا مش ممكن ارجعله ابدا . وهي دي اول مرة يعمل كده !! ده انسان ژبالة ومش ممكن اعيش معاه ولا يوم واحد بعد كده .
تيتا معلش يا رحمة انتي لما تقعدي هنا كام يوم هيعرف قيمتك وهيتعدل معاكي بعد كده .
لا مستحيل . وهي دي اول مرة يا ماما !!! خلاص انا لازم اتطىلق منه .
طيب والبنتين يا حبيبتي ذنبهم ايه
مش عارفة بقي .
بصي ده بيتك وهناك بيتك بردو اقعدي كام يوم لما اعصابك تهدي وبعدين نبقي نتكلم .
وقعدنا عند تيتا وكانت تيتا كل شوية تقولي يا دانة وتقول لأختي يا ماسة !! وكمان جدو وكل الناس كانت بتتلخبط بيني وبين دانة اختي لأننا تؤام وشبه بعض بالظبط !!!
الوحيدين اللي بيعرفونا من بعض ماما وبابا بس وساعات بردو بيتلخبطوا !!
بعد كام يوم بابا حاول يصالح ماما علشان نرجع البيت لكن ماما أصرت علي الطىلاق !!
ولما كانوا بيتفقوا علي اجراءات الطىلاق حصلت حاجة كانت صذمة ليا انا واختي في الوقت ده
ماما قالت لبابا انها متنازلة عن حضانتي انا واختي وانها موافقة اننا نعيش معاه !!!!!
و كان رد بابا أغرب لما قالها انتي عاوزة تسيبي العيال علشان تتجوزي براحتك واتدبس انا فيهم !!!! انا كمان متنازل لكي عن حضانتهم !!!!!
قالتله يعني مش هتاخد عيالك !!
بابا قالها عيالك عندك انا كفاية اصرف عليهم من بعيد انما انا هربيهم لوحدي ازاي !!! الاطفال محتاجين واحدة ست تراعيهم محتاجين ام !!!!
كنت واقفة انا و دانة ورا باب الأوضة وسامعين كلامهم و هما بيهربوا من مسئوليتنا هما الاتنين !!!!
انا ودانة كنا حىضنين بعض و بنبكي جامد اوي في اللحظة اللي مفيش فيها حد فاضلنا او حاسس بينا انا واختي وكلهم مشغولين في الطىلاق و في كل حد فيهم هياخد ايه ويسيب ايه !!!!!
قعدت انا ودانة و ماما عند تيتا بعد الطىلاق .
ماما اشتغلت بعد الطىلاق وكانت بترجع كل يوم اخر النهار تقعد معايا انا و دانة وتاخدنا في حىضنها وتقعد تتكلم وتلعب معانا .
وبعد كام شهر كانت خطوبة ماما !!! كنا لسه صغيرين انا واختي بس كنا فاهمين انها هتتجوز وتمشي من بيت جدتي !! لكن كنا عارفين اننا اكيد هنروح معاها في الجديدة .
كان اصعب يوم في حياتي قبل فرحها بكام يوم لما سمعتها وهي بتتكلم مع تيتا وبتقولها انا وحازم شهر العسل وهسيبلك ماسة ودانة وبعد شهر العسل اتفقت مع حازم اننا هناخد بنت واحدة معانا في وهسيبلك البنت التانية .
تيتا قالتلها ماشي يا حبيبتي اهم حاجة مصلحتك .
ماما قالتلها انا اتفقت مع حازم اننا هناخد دانة تعيش معانا لأنها اخدت علي حازم بسرعة وماسة هتخليها عندك يا ماما وخدي بالك منها واهي هتسليكي انتي وبابا .
تيتا قالتلها حاضر يا حبيبتي اهم حاجة سعادتك ربنا يهنيكي .
ماما وتيتا معرفوش اني سمعتهم دموعي كانت نازلة من عينيا ومش قادرة اسيطر علي اعصابي .
كان فعلا اصعب يوم في حياتي !! روحت جريت وقولت لدانة علي اللي سمعته هي كمان بكت لما عرفت ان ماما هتسيبنا شهر وبعدين فرحت لما عرفت انها هتروح تقعد معاها لكن دانة حزنت تاني لما عرفت اني مش هروح معاها عند ماما !!!