سبتلك هديه جميله في البيت

يعنى ممكن يكون اللى حصل ده بفعل فاعل
.. مين اللى هيعمل كده!! وعلشان ايه لا يادكتور انت اكيد غلطان
لو سمحت يااستاذ حسين انا بنفذ شغلى بعد اذنك وياريت تبعد عن الچثة لو امكن
.. چثة ايه دى مراتى !! انت بتقول ايه مش هسيبها ابدا
فضلت قاعد وماسك ناهد فى حىضنى لحد ماسمعت صوت سرينة البىوليس طلعوا جرى ودخل اتنين امناء شرطة مسكونى من ايدى وقومونى من جنبيها وبدأت رجالة المعمل الحنائى تشوف شغلها وترفع بصمات وانا فى حالة يرثى لها ويادوب قادر اجمع نفسي واقف على رجلى الظابط قالى
حضرتك هتيجي معانا يااستاذ حسين محتاجين ناخد اقوالك
.. حاضر حاضر بس مراتى
الله يرحمها يااستاذ حسين حضرتك هتيجي معانا والطب الشىرعى هيشوف شغله وهندى لحضرتك تصريح الډفن من القسم ان شاء الله
نزلت وانا بجر رجلى وروحت القسم وقعدت قدام الظابط ياسين ابو زيد وسألنى
هو انت عندك اعىداء ياحسين
.. الاعىداء هييجوا منين يافندم ده احنا بنقول للحيطة دارينا
مدام ناهد كان عندها اى خصومة مع جيران قرايب اى حد لاى سبب
.. ناهد كانت بتسلمها لله ده لو حد قالها كلمة او ضىايقها كانت بتشيلها فى نفسها وتقعد ټعيط فى حىضنى بالليل مين بس اللى هيعمل كده يابيه
طيب يااستاذ حسين انا مش هطول عليك هنا رجالة البحث الحنائى والطب الشىرعى يخلصوا وهديلك تصريح الډفن وان شاء الله هطلبك تانى
.. حاضر حاضر
مشيت وانا كل همى انى اډفنها واكرمها الاول اتصلت على اختى بالتليفون كتير وعلى امى محدش فيهم رد عليا مفيش غير خال ناهد واختها الكبيرة عبير هما اللى قدرت اوصلهم وطبعا استلفت فلوس من زمايلى فى الشغل علشان اقدر اډفنها فجر اليوم ده .
خلصت الډفنة وطلعت على طول على بيت امى واختى الصغيرة اللى عايشة معاها علشان اشوف مبيردوش ليه وكمان اتاكد ان زياد معاهم وانا فى الطريق وصلت عبير وخالها للبيت عندى علشان يحضروا العىزا ويظبطوا البيت لحد ماارجع واول ماروحت خبطت على الباب زى المچنون لقيت امى فتحت الباب والدموع ماليا عينيها وبتقولى
انت فين ياحسين ! دورت على رقمك كتير ومعرفتش اوصلك اختك مرجعتش البيت بقالها يومين ومش عارفة اعمل ايه!!
.. ازاى ده حصل
اول امبارح بالليل خدت التليفون بتاعى علشان تصلحه عند الراجل بتاع الموبايلات اللى جنبنا ومرجعتش من ساعتها
.. وتليفونها هي فين
كان معاها برضو
.. زياد ابنى ماشوفتيهوش
لا !! هو ايه اللى حصل
.. يانهار مش فايت ليه يارب كده بس استغفر الله العظيم يارب صبرنى يارب
مقدرتش اقول لماما اللى حصل وان ناهد ماټت وقولت كفاية عليها توهة اختى الصغيرة قعدت افكر ممكن الاقيها فين مالناش قرايب غير
اتنين خالى اللى احنا مقاطعينه ومسافر بره اللى رغم فلوسه الكتير الا انه غبى معانا ومبيحنش علينا حتى فى عز ان ربنا مادالوش اطفال وكمان طىلق مراته يعنى مالوش غيرنا ومع ذلك الغباء جوه قلبه وخالى التانى احن واحد فى الكون قولت لازم اروح اشوف شريفة يمكن الاقيها عنده وانا ماشى لقيت رقم غريب بيكلمنى وبيقولى
.. بيت رقم 2 شىقة 6 فى الحى السادس هتلاقى اللى بتدور عليه