جوزى وجارتى
بس لاقيت في يوم الباب بيخبط بالليل متأخر
كانوا العيال نايمين وأنا وعلي سهرانين قدام التليفزيون
جري بسرعه جوزي وفتح الباب واتصـ,ـدمت لما لاقيت
جارتي واقفه بشعرها و بهدوم بيتي خفيفه ومبينه جسمها
جوزي استغرب وسألها خير يا ست هالة في حاجه
ارجوك يا أستاذ علي الحق بنتي سها قاطعة النفس خالص
يا ساتر يا رب
طب اسبقيني وانا جاي وراكي حالا
قبل ما جوزي يتحرك ..قولتله على فين ؟
انتي مش شايفه
اه شايفه شايفه كل حاجه …الست هاله لابسه
هدوم تكشف اكتر ما تستر
يا ستي هي في ايه وانتي في ايه
اكيد من لهفتها على بنتها مخدتش بالها هي لابسه ايه
وسبيني بقى اروح اشوفهم ..دول ولايا ومفيش معاهم راجل
طيب روح يا شهم …روح
بعدها بثواني قولت ايه الهبل دا
هو انا هسيبه كدا ..رجلي على رجله
وروحت وراهم ..دخلت الش،قه عندهم
ولقيت البنت واقعه ع الأرض وبتتشـ,ـنج
جوزي شالها من ألارض وقال هي فين اوضتها
اهي من هنا اتفضل
دخل قدامها ولسه هتمشي وراه
مسكتها من دراعها
هو انتي مش واخده بالك من لبسك
بصت لنفسها وقالت ..يوووه معلش مخدتش بالي
هدخل احط الشال على كتفي
دخلت ورا جوزي الأوضة ولقيته بيحاول
يفوق البنت ..
وطلب من مامتها برفان
جات جري وهي حاطه شال على كتفها
وخـ,ـايفه وقالت اتفضل يا أستاذ علي
رش عليها شوية وبعدها مسح على وشها
والبنت فتحت عيونها وهديت
بس بصت لنا بأستغراب
متخـ,ـافيش يا حبيبتي
دا عمو الأستاذ علي جارنا
ومراته طنط منى ..
حمدلله على سلامتك يا سهى
انا مش عارفه اشكرك ازاي
لا شكر على واجب الناس لبعضها
سألتها
هي الحالة دي اول مره تجيلها
لا هي جات لها كام مره قبل كدا بس على فترات متباعدة
طب وايه السبب
الدكتور قال ضغط عصبي وارهـ,ـاق بسبب الثانوي
اصلها في 3 السنه دي
