خرجت من السجــــن

الفصل الاول تقول صاحبة القصة خرجت من السجن بعد ان قضت به مدة حبسها ثلاث سنوات حيث قد حكم عليها في قضية مخله بالشرف هي وامها …. لمدة ثلاث سنوات ولكن امها ما,تت داخل السجــ,ن … وخرجت هي تبحث عن مأوي … وملجأ لها … فأبيها الذي كان يفرض عليها ممارسة الدعارة بالاكراه منذ الطفولة هي وامها … قد باع الشــ,قة التي كانوا يسكنون بها واختفي … وظلت تبحث عنه حتي علمت انه يسكن في فيلا كبيرة … بعد ان تزوج من سيدة اعمال لديها شركة مقاولات كبيرة … فذهبت الي الفيلا لتقابله … فعرفت انه انجب طفل عمره عامان اسمه مهاب … وعندما رأها اصيب بالدهشة !!!!! الوالد : اشرقت !!!؟ انتي خرجتي من السجــ,ن ؟!!! اشرقت : ليه مكنتش عايزني اخرج … ولا كنت متوقع امو*ت جواه زي امي ؟!!! الوالد : انتي عرفتي عنواني منين ؟؟؟! اشرقت : اللي يسأل ميتوهش يا بابا . الوالد : بلاش بابا دي هنا … الخدامين يسمعوكي . اشرقت : ايه بقيت تستعر مني ؟!!!!! طبعا ليك حق ما انت بقيت عايش في عز . الوالد : اشرقت انا نسيت الماضي … انا بقيت انسان تاني نضيف … ومش عايز افتكر اي شي عن الماضي اشرقت : عندك حق … بس انا بنتك الوالد : قلتلك متقليش الكلمة دي هنا … انتي كمان من الماضي وانا نسيتك اشرقت بس انا منستش ان انت السبب في اللي حصلي انا وامي انت دمرتني وقضيت عليا وضيعت مستقبلي وخلتني عاهر بورق رسمي الوالد : عايزة ايه ؟؟؟! اشرقت : عايزة حقي … عايز اجر الدعارة اللي كنت مشغلني فيها … الوالد : هديكي الي انتي عاوزاه … بس امشي حالا واتصلي بيا كمان يومين ثم تلمح سيدة الاعمال تنزل من علي السلم وهي تحمل مهاب ابنها … الزوجة : مين يا سليمان ؟!!! الوالد : دي … دي واحده عاوزة حسنة (الزوجة تنظر الي منظرها وتسترأف بها) الزوجة : اديها فلوس باين عليها غلبانة اوي اشرقت : شكرا يا ست هانم (ثم تنظر الي مهاب فتراه يبتسم لها فتبتسم له) اشرقت لابيها : دا ابنك ؟ الوالد : اه … انتي مالك … يلا امسكي الفلوس دي وامشي اشرقت : طب ممكن ابوسه ؟ وتقصد اخوها مهاب الزوجة : ابعدي عن الولد يا بنت انتي لا تجيبيله عدوي بقرفك دا … امشي يلا اشرقت : اسفة … عندك حق الزوجة : اديها الفلوس يا سليمان خليها تغور من هنا … انتي ازاي اهلك سايبينك كدا ؟!!! (اشرقت تنظر لابيها) اشرقت : كلامك صح ما انا لو عندي اب بمعني الكلمة مكنش دا يبقي حالي …. يتبع الفصل الثاني اشرقت بعد ما طلعت من السجن بعد انتهاء مدة الثلاث سنوات بتهمة ممارسة …. ؟؟ وراحت لابوها اللي اتجوز من سيدة اعمال كبيرة وطبعا اتبري من بنته وعمل نفسه ميعرفهاش وبدال ما ياخدها في حضنه ويعوضها عن اللي فات وعن الذل والاهانه والعار اللي شافتهم هي وامها بسببه وبسبب انحطاطه قام طردها من البيت وقالها يومين وابقي كلميني .. اشرقت مكنتش عرفه تروح عند مين لحد ما ابوها يديها الفلوس اللي قال عليها .. افتكرت صديقة ليها اسمها رباب بنت ليل برضوا يتيمة قاعدة هي واخوها في شقة لوحدهم فراحتلها تقعد عندها لحد ما تشوف هتعمل ايه خبطت علي الباب وفتحت رباب واتفاجأت لما اشرقت رباب .. اشرقت !! الف حمدالله ع السلامة يا حبيبتي .. خرجتي امتي ؟ اشرقت .. من يومين رباب . تعالي يا حبيبتي اتفضلي ادخلي اشرقت .. ازيك يا رباب عاملة ايه؟ رباب .. اهوه .. ادينا عايشين للكلاب تنهش فينا اشرقت .. هو انتي لسة ماشية في السكة دي رباب .. وانا اعرف سكة غيرها !!! اشرقت .. بس انتي اخر مرة زرتيني فيها قلتي انك لقيتي واحد طيب وابن حلال هيتجوزك وهتوبي عن سكة الحرام خالص رباب .. اتجوزته وطلع ابن ستين كلب ويمو*ت في الحرام .. كان كوبري اتجوزني عشان اخوه اللي ينام معايا اصل اخوه شخصية جامدة ووظيفته حساسة اوي فخلي اخوه يتجوزني عشان هو اللي ينام معايا وبعد ما زهق مني طلقني . اظاهر علينا اننا مش مكتوبلنا نعيش نضاف يا بت يا اشرقت.. وانتي قليلي ايه اخبارك ؟ ناوية تعملي ايه ؟!! اشرقت .. مش عرفة .. انا رحت عند بابا رباب .. اها .. وعرفتي توصليله ؟!! دت بيقولوا بقي حاجة كبيرة اوي واتجوز واحدة مريشة ع الاخر اشرقت .. عرفت مكانه ورحتله بس مرديش يقول لمراته اني بنته وعاملني وحش جدا زي ما يكون اضايق لما شافني رباب .. طبعا انتي دلوقتي بالنسبة له شبهه ومتشرفهوش .. ولا يهمك بيتك ومطرحك يا حبيبتي ثم يدخل يوسف اخو رباب شاب بلطجي ونصاب واخلاقة زفت رباب .. تعالي يا يوسف سلم علي اشرقت يوسف .. اها!!! اشرقت والله اشرقت الانوار خرجتي امتي من السجــ,ن ؟!! رباب .. ليها يومين يوسف .. كفارة يا قمر .. والله شكلها هترجع تحلو تاني يا بت يارباب رباب.. يوسف خف شوية البت تعبانه ومضايقة يوسف .. قال يا جميل تعبان ومضايق .. وشرف اختي الفالصو لانسيكي الهم والتعب خالص ثم يقبل يدها واشرقت لا تطيقه رباب .. احم.. قومي يا حبيبتي خدي شاور وغيري هدومك عشان ترتاحي شوية وانت روح هاتلنا عشا حلو يوسف .. هوا … احلي عشا في الدنيا عشان خاطر عيون القمر وتدخل اشرقت لتأخذ شاور وتخرج من الحمام فلم تجد سوي يوسف في المنزل اشرقت متعجبة .. امال فين رباب؟! يوسف .. نزلت شغلانه ع السريع كدا .. تعالي يا قمر اتعشي اشرقت .. لا شكرا لما تيجي رباب يوسف .. لا ما هو رباب مش هتيجي دلوقتي واحتمال تبات برة انهاردة.. تعالي تعالي متتكسفيش اشرقت ترتبك وتقلق وتتوجه لتجلس لتأكل وكلها حذر وخوف يوسف .. كل يا قمر دا كباب وكفته .. اصبلك كاس ؟ اشرقت .. لا مشربوش شكرا يوسف .. متشربوش !! من امتي الكلام ده دا انتي كنتي مدمنه خمرة اشرقت .. ربنا تاب عليا الحمد لله يوسف .. اه .. بداية مش حلوة .. طيب كلي يا قمر ولا اقلك تعالي اوكلك انا في بقك زي زمان ثم يقترب نحوها اشرقت بعصبية شديدة .. ابعد عني يوسف .. ايه يا بت مالك ؟!! هو انا هعضك ؟!! اشرقت .. لو سمحت يا يوسف ابعد عني عشان مسبش البيت وامشي حالا يوسف .. حاضر اديني بعدت بس بصراحة انتي زي ماانتي قمر بالعكس بقيتي اجمل واحلي بكتير ايه الجمال ده ثم يضع يده علي شعرها اشرقت .. اوعي ايدك يوسف .. وبعدين معاكي؟!! هو انتي توبتي عن الخمرة قلنا ماشي طب والموضوع التاني تبتي عنه برضوا؟!! دا احتي انتي بقالك تلت سنين محرومه وكدا يعني .. واكيد مشتاقة وانا كمان شرحك ما تيجي….. اشرقت .. بقلك ابعد عني يوسف .. لا ياروح امك هي اسطوانة ولا ايه ؟!! ثم يمسكها من يدها بشدة .. هو انتي نسيتي نفسك انتي ايه ؟!! ولا نسيتيني ؟!! انا يوسف يا بت يوسف اللي كنتي بتتمني متفارقيش حضنه ليلة .. يخرب بيت جمالك ثم يحاول ان يعتدي عليها واشرقت تقاوم بكل قوة ومن حسن حظها تعود رباب في الوقت المناسب .. ولكن يحدث ما لم تتوقعه اشرقت الفصل الثالث دخلت رباب فوجدت يوسف يحاول الاعــ,تداء علي اشرقت فحاولت منعه ولكن اخرج لها مطواه وهددها بمغادرة المكان فورا حتي ينهيما يريد فعله مع اشرقت يوسف .. اطلعي برة لاجيب اجلك .. يلا اشرقت تنظر لرباب نظرة استغاثة وكأنها تقول لها لا تتركيني وحدي .. رباب لا حول لها ولا قوة يوسف .. بقلك اطلعي برة يارباب .. اقفي ع الباب لحد ما اخلص .. رباب .. سامحيني يا اشرقت تخرج ودموع الحسرة علي رفيقة عمرها في عينيها وتتركها مع هذا الذئب البشري يوسف .. وانتي بقي يا حلوة لاحيب خبرك اشرقت .. اوعي تقرب مني هصرخ والم الدنيا عليك يوسف .. محدش هيسمعك واللي هيسمعك هيعمل مش سامعك لان مفيش مخلوق يقدر يقرب من بيت يوسف الجن .. تعالي بقي يا قطة ويحاول يوسف الاعتداء عليها واشرقت تقاوم بكل قوة وفجأة تتمكن من ان تمسك المطواة وترشقها في رقبته وتدخل رباب وتري هذا المنظر فتصعق رباب .. يا لهوي اشرقت .. انا .. انا مكنش قصدي والله .. هو اللي كان عايز ….. انا مش قصدي اقت*له يارباب رباب .. قومي بسرعة نمشي من هنا .. قومي يلا .. هاتي المطوه دي .. يلا بسرعة قبل ما حد يشوفنا وتخرج رباب واشرقت مسرعة من المنزل اشرقت ..انا مكنش قصدي اق*تله .. هو اللي كان عايز يغ*تصبني رباب .. اسكتي خالص .. انتي ملكيش ذنب انتي دافعتي عن نفسك ودي نهايته اللي كانت متوقعة سواء علي ايدك او علي ايد غيرك .. انتي خلصتيني من كابوس يا اشرقت .. اخويا ده كان بيتاجر في لحمي .. عشان كدا انا هساعدك واقف جمبك اشرقت .. احنا رايحين فين ؟!! رباب .. هتعرفي حالا …يتبع الفصل الرابع رباب اخدت اشرقت ووديتها عند راجل كفيف وكبير في السن وقاعد لوحده هو كان راجل هلاث ولكن بعد ما فقد بصرة في حادثة هداه ربنا وبقي راجل يعرف ربنا ومحتاج حد يقعد معاه يراعيه ويشوف طلاباته واسمه الحج انور اشرقت .. انتي مودياني علي فين يارباب ؟!! رباب .. حالا تعرفي ؟!! ثم تصل الي فيلا كبيرة وتدخل ثم ترن جرس الباب ويفتح حج انور الباب انور .. مين ؟!! رباب .. انا رباب يا حج انور .. رباب !!! ازيك يا بنتي عاش مين شافك .. ايه الغيبة الطويلة دي ؟!! رباب .. اهوه مشاغل بقي انور .. ربنا يهديكي يا بنتي .. اتفضلي رباب .. بس انا مش لوحدي انور .. معاكي حد؟ رباب .. واحدة صحبتي اسمها اشرقت