بسبب التنمير

وتاني يوم بصحي علي صوت رقيه وبتقول

رقيه

هو انتي يا بنت هتفضلي نايمالي اليوم كلو ولا اي قومي فزي شوفي وراكي اي واعمليه

ولا انتي مش شاطره الا في النىوم وبس

سهام بتعب

انا تعبانه قووي يا رقيه وحاسه ان رجلي شاده عليا

ومش هقدر اقف سيبيني علي الاقل النهارده ارتاح

رقيه

نعم نعم كلام اي الي بتقوليه ده ان شاء الله هو انتي عاوزاني اخدمك انتي يا عرجه لا طبعا قومي فزي شوفي شغل البيت الي ناقص وبعد كده اتخمدي ولا انتي عاوزه تقعدي هنا ببلاش

سهام

حرام عليكي يا رقيه الي بتعمليه فيا ده هو انا مش بصعب عليكي ولا قلبك بيوجعك علشان تعملي فيا كده

رقيه

بقولك اي يا بنت انتي اطلعي من الدور الي انتي بتعمليه ده هو انتي مفكره واحده زيك تصعب عليا لا طبعا الي زيك اتولد علشان يتعب مش علشان ينام

سهام بحزن

عندك حق يا رقيه حاضر والي انتي عاوزاه انا هعملو ليكي وبتروح قايمه وبتبدا تشتغل وكانت بتحرك رجليها بصعوبه

وعند حماتي كانت قاعده علي السفره وبيجي رؤوف وبيقول

رؤوف بحده

هو انا مش قولت ليكي الف مره يا ست ناهد متعمليش البيض بالشكل ده هو انتي اي مبتسمعيش الكلام

ناهد

معلشي يا رؤوف انا صحيت متاخر النهارده وكنت مستعجله علشان كده عملتو بالشكل ده

اوعدك مش هتتكرر تاني

رؤوف

ما هي فعلا مش هتكررر تاني عليا الطىلاق يا ناهد لو عملتي البيض بالشكل ده تاتي متعرفيش انا هعمل فيكي اي

وبعدها خرجت حماتي وقالت

الحما بحده

هو في اي بالظبط يا رؤوف هو انت مش علي لسانك الا حلفان بالطىلاق انا شايفه ان الموضوع مستاهل علشان تحلف بيه

رؤوف

بنت حضرتك مبتفهمش الا لما بحلف كده ولازم اقول كده علشان متعملش الي عملتو ده تاني

الحما

يا بني انت ممكن في ثانيه انت ومراتك تتطىلقو بسبب الحلفان ده وانت مش حاسس انا مش فاهمه هو انت الزاي كده

رؤوف بحده

هو في اي يا حماتي ان شاء الله هو انتي جايه تعدلي عليا ولا اي انا راجل البيت وعارف انا بعمل اي كويس فمش هتعرفيني هعمل اي

ناهد

اي الي انت بتقولو ده يا رؤوف وانتي يا ماما رؤوف مش يقصد الي قالو هو لما بيصحي من النىوم بيبقي مضايق علشان كده

رؤوف

ومين الي قال ان انا مش اقصد لا طبعا انا اقصد كل كلمه اقولها وانتي يا حماتي تقعدي علي راسي

بس لو سمحتي متدخليش في الي اقولو والس بعملو

الحما

معقول انت مش شايف نفسك غلطان علي العموم انا نصحتك وانت حر بس مترجعش تندم بعد فوات الاوان

وبتروح قايمه

الحما

مبقاش لزوم يا بنتي انا لما اروح بيتي اكل واشرب في زي ما انا عاوزه

ناهد

بيت اي يا ماما الي بتتكلمي عنو مش المفروض انتي قايله انك هتقعدي معايا هنا شهر اي الي غير رايك

الحما

معلشي يا بنتي الواد مش بيرتاح الا في بيتو وفعلا من طلع من بيتو اتقل مقدارو

وبتروح مخلصه كلامها وبتدخل علي جوه

ناهد

عجبك كده اهي ماما زعلت وانت قاعد كده عادي مش قادر تتكلم ولا تقول ليها انها تقعد

رؤوف

بقولك اي يا ناهد انا مليش في كل ده ومامتك عاوزه تمشي هيه حره انا مش همسك فيها والي عاوزاه تعملو انا مقولتش ليها حاجه غلط

ناهد

بس حلفانك بالطىلاق الي عمال علي بطال ده مش واخد بالك ان بقا اوفر اليومين دول

رؤوف

يوووه بقا هو احنا مش هنخلص من السيره دي انا قولت ليكي الف مره انا عارف بعمل اي كويس

هتخليني اطفح ولا انزل الشغل من غير اكل

ناهد بضيق

لا يا رؤوف كل الظاهر انت غلطانه ان انا بتكلم معاك اصلا

وبتروح سايباه وبتدخل علي حوه

ناهد

بالله عليكي يا ماما اقعدي مش معقول تكوني واصله امبارح وماشيه النهارده دا انا ملحقتش اقعد معاكي

الحما

معلشي يا بنتي كده احسن وانتي لو حابه تيجي واشوفيني بيتي مفتوح ليكي وقت ما انتي حابه

وبتروح واخده شانطتها وبتنزل

رؤوف

استني يا حماتي اخلص اكل وانزل اوصلك

وفي الوقت ده حماتي مبتردش عليه وبتروح نازله

رؤوف

شوفي قله الذووق الي مامتك فيها شوفي انا بكلمها وهيه ومبتردش عليا دا كلام

ناهد بضيق

هو انت شايف ان انت معملتش اي حاجه غلط برضو علي فكره كلام ماما صح والي بتعملو ده غلط

رؤوف بحده

هو احنا مش هنخلص من الحوار ده ولا اي قفلي بقا

ناهد

لا مش هقفل يا رؤوف ما انا مش هفضل كده ساكته لحد كا الاقي نفسي انا وانت مطىلقين هتبقي مبسوط يعني

رؤوف

تصدقي انك تصدقي النفس المفتوحه وسعي كده واعملي حسابك لو رجعت من الشغل والسيره دي اتفتحت متعرفيش انا هعمل فيكي اي

وبيروح نازل وسايبها

وفي الوقت ده في البيت عندي بلاقي حاجه شديده اتكسرت ولما بروح اشوف في اي بلاقي سهام موقعه الفازه ومتكسره

رقيه

دا انتي يومك مش مي النهارده انتي متعرفيش انا هعمل فيميف لفي هو انتي عارفه تمنها اد اي

سهام

حقك عليا يا رقيه هيه الي وقعت غصب عني وانا بنضفها انا مش عارفه وقعت الزاي

رقيه

اخرسي خالص انا مش عاوزه اسمع صوتك وعقابا ليكي مفيش اي اكل ليكي النهارده

وادخلي شوفي في اي ناقص في الشىقه واعمليه

وعلي الله حاجه تقع منك تاني

سهام بخوف

حاضر حاضر وبتروح داخله علي جوه

وفي الوقت ده بيصحي احمد جوزي وبيقول

.احمد

هو في اي يا رقيه علي الصبح مش معقول يوم اجازتي اصحي علي صوت خناق

رقيه

الغبيه الي اسمها سهام وقعت الفازه وهيه بتوضب

دا انا كان هاين عليا اكلها بسناني اكل

احمد

اي يا بنتي الي بتقوليه ده دي اختك علي فكره هو انتي ازتبي قابله تعملي قيها كده وهيه بالحاله دي

رقيه

ومالها حالتها ان شاء الله ما الي اكتر منها بيعمل ضعف الي هيه بتعملو وزياده اما اقول اي دي واحده بتدلع

احمد

خلاص بطلي الاسطوانه بتاعتك دي علشان انا عارف كويس ان مش هاخد معاكي حق ولا باطل دي ده مالها ايدك شكلها عامل كده ليه