التربي
كريمة انا اسمي الحاجه كريمه وجايه لها من بلد تبع المنوفيه وكنت عايزاها ضروري الله يخليكي هي موجودة حنان طيب هي ماما دلوقتي في شغل بتغسل واحده جنبنا هنا وزمانها راجعه اتفضلي ادخلي استنيها جوه لحد لما ترجع اتفضلي
كريمة
يزيد فضلك يا بنتي انتي تبقي بنتها مش كده
حنان
لا انا مرات ابنها بس يعتبرها زي امي بالظبط تحبي تشربي ايه علي ما هي توصل بالسلامه
وفعلا حنان ضايفت الست الغريبه وانا رجعت بعدها وكنت قاعده قدام الشىقه وقولت لحنان
المغسله
هاتي لي شويه ماية يا حنان الجو النهاردة حر بشكل
حنان
من عنيا يا ست الكل في واحده ست مستنياكي جوه ادخلي لها يا ماما
ودخلت وقولت
السلآم عليكم ورحمة الله وبركاته أهلا وسهلا بيكي انتي مين يا بنتي
كريمة
عليكم السلام ورحمة الله وبركاته انا اسمي كريمه يا ست ام احمد وكنت جايه لك في موضوع مهم اوي وعايزاكي تلح’قينا وتشوفي المصيبه اللي احنا فيها واللي بيحصل لنا ده بيحصل من ايه
المغسلة
ياساتر يارب مص,يبة ايه بس كفا الله الشر قولي ايه اللي حصل بالظبط
كريمه
انا عايشه في بيت وكلنا كويسين مع بعض بس من فو ة كده متعرفيش ايه اللي حصل معانا والحال اتشقلب مع الكل بقينا علطول في خناق والبيت اتقلب كله علي بعضه لحد لما بنت سلفي مرضت مرض احنا منع’رفش هو أيه بق’ينا نلاقي جسمها بيتاكل كده وع’مها بيتك’سر والبنت اتبهدلت خالص
المغسلة
لا حول ولا قوة الا بالله العلي العظيم طيب والدكاترة قالو ده من ايه يعني ولا معرفوش
كريمة
الدكاترة قالت دي حاله نادرة بتحصل في واحد من ميلون شخص بس من ايه برضو معرفناش وفضلت علي كده لحد لما البنت دي راحت راحت وهي عمرها ٢٥ سنه والمصيبة لما غسلناها وكفناها
المغسلة
ايه اللي حصل بقا لما اتغسلت واتكفنت
كريمة
اللي حصل بادها ما يخ’طر’ش علي البال ولا علي الخاطر انا هحكي لك اللي حصل
#فلاش باك
