جوز بنتي

طبعا يا حبيبتي انا مش هتكلم مع اي حد في اي حاجه وبعدين يعني انا مش هجيب الفلوس دي من معايا ده انا هجيبها من جوز بنتي

سميه

تمام ماشي شوفي تحبي امتى نروح الشهر العقاري وانا تحت امرك في اي حاجه

سميره

بس كده عنيا الاتنين وبعدها نزلت وكانت رحاب بنتها موجوده عندها

رحاب

خير يا ماما خالتي كانت عايزاكي في ايه مع اني عارفه ان اللي زي خالتي دي ما يجيش من وراها خير ابدا

سميره

حقك جالك يا بنت وانا هجيبه لك بس عايزه 120 الف جنيه من جوزك خالتك محتاجه فلوس عشان المعدول ابنها يقدر يشتغل

رحاب

 

 

نعم نعم هو انت عايزه كمان اديهم فلوس بعد اللي عملوا فيا لا طبعا انا مش موافقه على الكلام اللي انت بتقوليه ده وكمان عايزه الفلوس تبقى من جوزي انا

سميره

يا بنت هاتي بس واسمعي كلامي للاخر خالتك قال ايه عايزه تكتبلي الشقه باسمي بس ما اقولش لعيالها الا لما تم\وت وانا يا حبيبتي اول لما ابني هياخد الفلوس هروح واقول لعيالها على كل حاجه وارميها كمان في الشارع

رحاب

وتفتكري عيالها هيرضوا بكده ما اكيد واحد من الاثنين هياخدها عنده

سميره

على اساس يا حبيبتي ان انا مش عارفه عيال خالتك ولا ايه دول بيخافوا على الجنيه اسمعي بس الكلام اللي قولتلك عليه وهاتي فلوس اللي قلت لك عليها

رحاب

لو كده بكره باذن الله تكون الفلوس عندك

وفي شقه بنتي دخلت وجوزها كان مكشر

 

 

ساره

هو في ايه بالظبط يا احمد انا جايه طول الطريق عمال احاول اتكلم معاك وانت مش راضيه تتكلم معايا خالص هو في حاجه حصلت مني زعلتك ولا ايه

احمد

هو انت يا بنت ما عندكيش دم مش شايفه امك بتعمل ايه هي ليه بتعمل كده مع اخوك مع اني انا كنت قاعد من الشغل قريب وما فكرتش تساعدنا بجنيه

ساره

اديك لسه قايله ابنها هي ماما مش ملزومه ان هي تصرف عليك انت المفروض اللي كانت تقف جنبنا هي امك مش امي انا

احمد

لا والله هو ده الكلام اللي عندك انت كمان مش شايفه ان امك غلطانه هو مش المفروض انت بنتها زي ما هو ما ابنها ولا ايه

ساره

بقول لك ايه طلع الموضوع ده من دماغك خالص انا مش عايزه اي مساعدات من ماما واقول الحمد لله ربنا كرمك بشغل

احمد

 

 

هو ده اللي انتي فالحه فيه كل ما اجبلك

سيره اهلك لازم تعملي كده ي شيخه دي

بقت عيشه تخنق والله

وبعدها دخل الاوضه وطلعت امه

الحما

منك لله يا ساره على طول منكده على الواد ومخلياه صوته قد كده حرام عليك والله ان انت بتعمليه فيه ده

ساره

انت مش تفهمي من اول في ايه يا حماتي قبل ما تطلعي تزعلي وتكلميني بالطريقه اللي انت بتتكلمي بيها دي

الحما

 

 

انا عارفه ابني كويس قوي يا حبيبتي عمري ما بيغلط كده من باب للطق واكيد انت اللي عملتي له حاجه تضايقه

ساره

ابنك عايز امي تصرف عليه مينفعش والله

انك تحكمي عليا كده وبعدها خرج احمد وقال

احمد

تصدقي ان انت وما تربطتيش بقى انا عايز امك تصرف عليا ده انا هخلي ليلتك سوداء النهارده وبعدها فضل يضر,ب فيها جامد

وفي الوقت ده لقيت الباب بيخبط

 

 

سميه

ايه ده ساره في ايه اللي حصل يا بنتي ده انت لسه ماشيه انت وجوزك يا خبر ابيض مين اللي عمل في وشك كده

ساره

انت سبب ايه يا ماما حاولي تبطلي تتكلمي شويه انك بتساعدي اخويا قدام جوزي انت ما بتشوفيش هو بيتعامل معايا ازاي

الام

وهو ماله هو يسرا ان شاء الله مش ابني خليهم يتصعدوا ولا هو عشان خاطر مش لاقي اي حد يقف جنبه

ساره

او بسببك يا ماما انا سبت البيت علشان خاطر ترتاحي

الام

بقي اخرتها بتتكلمي معايا انا كده ماشي يا ساره

وبعدها دخلت جوا وعدا يومين ودخلت ليها

 

 

الام

جراي ساره احنا عايشين في بيت واحد وكل واحد في حاله هينفع الطريقه اللي انت بتتعاملي بيها دي

ساره

صعبان عليا نفسي قوي والله مش لاقيه حقي مع حد وانا معاكي وانا مع جوزي ولا مع اخويا انا نفسي افهم عملت لكم ايه علشان تعملوا فيا كده

الام

اسمعي يا ساره بصراحه ربنا جوزك غلطان وانا شايفه اللي بيعمله ده غلط

ساره

واللي انت بتعمليه هو الصح كل حاجه واخداها مني انا ومدياها لاخويا ده انا من يوم

ما يا بابا ما مات ما فكرتيش انك تديني جنيه

الام

قولي كده بقى يا حبيبتي انت عامله اللعبه دي كلها علشان خاطر اديك فلوس وانا مش ملزمه بيكي يا ساره وفي الوقت ده الباب خبط

 

 

وفتحت

سميره

جرى ايه يا سميه في ايه عماله اتصل بيكي وانت مش راضيه تردي عليا هو انت رجعت في كلامك

ولا ايه يا حبيبتي انا تصرفتلك في الفلوس

سميه

وطي صوتك بس انا ولا غيرت رايي ولا حاجه انا بس كل الحكايه ان ساره عندي اليومين دول تحبي نروح الشهر العقاري امتى

سميره

 

 

دلوقتي حالا يا حبيبتي اصل انا مش عايزه اخلي فلوس في شقــ,تي الداار مش امان قوي

يعني

سميه

طب انزلي وانا هنزل وراكي على طول اهو

وبعدها فعلا نزلت وروحت وكتبت ليها الشــ,قه

ب اسمها وروحت شــ,قه نشوي

نشوي

ازيك يا حماتي عامله ايه تعالي اتفضلي يا خبر ابيض طب مش تقولي انك جايه علشان خاطر اعمل حسابي واعمل لك احلى غدا

الحما

انا مش عايزه حاجه خدي دول 250 الف جنيه انا كان معايا 130 وتصرفتلك في 120

يا رب يكفوا بس المشروع اللي جوزك عايزه

نشوي

 

 

بصراحه مش هيكفوا يا حماتي بس هو يعتمد على نفسه بقى ويستلف من اي حد هو احنا هناخد كل حاجه منك كده طب هو انت ناويه تسدي الفلوس اللي اخذتيها دي ازاي

الحما

سيبي كل حاجه عليا يا حبيبتي ما تشيليش هم انت المهم بس اعملي الكلام اللي قلتلك عليه

خلي جوزك يعمل مشروع في اسرع وقت الفلوس دي لو فضلت مع جوزك هيبدا يصرف منها

نشوي

عيب عليك الكلام ده يا حماتي من عيني الاتنين ربنا يخليك لي طب اقعدي اتغدي معانا

ده فاروق تحت وطالع على طول مش هيتاخر باذن الله

الحما

ساره موجوده عندي وانا عايزه اروح لجوزها عشان احل الموضوع ده كمان

نشوي

هي في مشكله ما بينهم وما بين بعض ولا ايه انا مش عارفه هم ازاي كده كل شويه يتخانقوا المفروض يكونوا كبروا عن الحاجات دي بقى

الحما

الولد دخل على طمع وانا حاسه كده انه انسان مش كويس وهي مش راضيه تصدقني خالص

نشوي

الله يكون في عونك يا حماتي وبعدها مشيت ورحت شــ,قه احمد

احمد

خير يا حماتي غريبه يعني جايه عندي ده انت ما بتجيش وبنتك موجوده هنا في الشــ,قه جايه

وهي مش موجوده

الحما

عايزه اعرف هو انت ليه بتعملها بالطريقه دي هو انا غلطانه اني بقف جنب ابني

احمد

لا مش غلطانة يا حماتي بس برضو زي ماهو ابنك هي برضو بنتك وزي ما بتصرفي عليه المفروض تصرفي عليها هي كمان ولا عشان هي بنت يبقا ملهاش في الحب جانب

الحما

يابني انا ليا الحق اني اصرف على ابني طيب ما انت تخلي امك تصرف عليك طالما انت باصص على اني بصرف على ابني

احمد

يعني هي بقت كده يا حماتي ولا ايه انتي شايفه كده بس انا امي مش على قلبها فلوس اد كده زيك ماشي احنا على اد حالنا

الحما

ماشي على اد حالكم بس انت هتقدر تتصرف وتشتغل وتصرف عليها هي ملزومة منك ياحبيبي انا اديتك بنتي عشان تحافظ عليها مش تبهدلها وتمرمطها معاك كده

احمد

بقولك ايه يا حماتي فوكك من الكلام ده انا مش هرجع بنتك البيت يعني مش هرجعها واللي عندك اعمليها انا اصلا مش معايا فلوس اصرف عليها خلاص

الحما

طيب انا عندي حل بص انا معايا عشرين ألف جنية اهم خودهم وروح صالح مراتك وخودها يا ابني وانا مش هجيب لها سيرة انك انت اخت مني حاجة ماشي

احمد

اااممم مبلغ مش بطال برضو بس اسمعي اما اقولك متخليش بنتك تطلب مني طلبات ومش عارف ايه انا مش دافع لها حاجة ولا هجيب لها حاجة ماشي

الحما

 

ماشي يا احمد وانا هاقولها انك مش معاك تديها وانها تعيش بس تيجي تأخدها وتصالحها ومن غير ما تقولها اني جيت لك يلا انا همشي دلوقتي بقا وهستناك تيجي تاخد مراتك يلا يابني فوتك بعافية

ونزلت من عنده ولقيت امه واقفه على السلم بتقولي

الام بضيق وزهق

مييين سمية يا اهلا وسهلا ده ايه الخطوة العزيزة دي اتفضلي ادخلي شوية

سمية

لا شكرا يا حبيبتي وبعدين يعني زينب هو انتي انبسطي لما تشوفيتي مش باين عليكي يعني

زينب

الله هو انتي عايزاني اعمل ايه لما اشوفك ارقص لك ولا ايه ياختي ما أنا بقولك اهو اتفضلي وانتي اللي مش عايزة ادخلك بالعافيه يعني

 

سمية

لا ولا تدخليني بالعافيه ولا حاجة انا كده كده همشي اصلي مستعجلة بس ياريت تتكلمي مع ابنك وتقولي له يخلي باله من مراتة دول ملهومش غير بعض

زينب

وهو انا يعني يا حبيبتي اللي قولت لبنتك تسيب البيت وتمشي انا مالي ماهي اللي عماله تتبطر على عيشتها مع ابني وهو ياقلب امه غلبان خالص

سمية

هو مين ده اللي غلبان يا زينب بقولك ايه ياختي صلى على النبي في قلبك ابنك بهدل بنتي وضــ,ربها وغضــ,بها وجايه عندي قاعدي في بيتي زعلانة وانتي المفروض تعقليه وتقولي له ما ينفعش كده

زينب

وانا مالي يا حبيبتي بيهم انشالله حتى يكسر عضمها انا مدخلش بينهم ولو بنتك هلي اللي هاديه ومطيعة مكنش ابني عمل فيها كده

وسبتها ومشيت رجعت البيت وسارة قالت لي

سارة

انتي كنتي فين يا ماما لحد دلوقتي وتليفونك مقفول انا قلقت عليكي خالص

سمية بتوتر

ابدا يا حبيبتي انا كنت في مشوار كده لحد اخوكي اطمن عليه وبعدها قولت اتمشى شوية وبعدين هو انا يعني صغيرة يا سمية ولا صغيرة بقولكوا ايه ادخلي شوفي بنتك لتصحي تعيط يلا روحي

ودخلت سارة جوه وانا بقيت قاعده وخايفه لأحمد مايجيش ولقيت الباب بيخبط وكان احمد وقولت له

سمية

اهلا يا احمد يابني نورت اتفضل ادخل يا سارة سارة تعالي يا حبيبتي جوزك جه

سارة

انت ايه اللي جابك هنا عايز مني ايه بعد اللي عملته فيا ده يا احمد عايز ايه

احمد

اهدي يا سارة انا جاي عشان اصالحك يا حبيبتي وناخدك ونرجع بيتنا انا وانتي وبنتنا معانا

سارة

وانا مش راجعة معاك يا احمد وانت هطلــ,قني انت سامع

سمية

استهدى بالله يا سارة مش كده يا حبيبتي اللي بتقوليه ده مينفعش جوزك جالك لحد هنا عشان خاطر يرجعك البيت اسمعي الكلام وارجعي مع جوزك

سارة

انا مش راجعة معاه يا ماما ولا انتي مش عايزاني وعايزة تخلصي مني صح مش عايزاني معاكي

سمية

ايه الكلام اللي انتي بتقوليه ده يا بنتي ده قاعده في بيتك ابوكي هو انا اقدر اقولك حاجة بس يلا يابنتي ارجعي مع جوزك يلا

سارة

وانا ايه اللي يضمن لي انه مش هيعمل معايا كده تاني يا ماما ها ده ممكن ارجع معاه البيت ويضربني تاني

احمد

وانا مش هعمل كده يا حبيبتي ده اللي حصل ده كان غصب عني والله صدقيني ياحبيبتي يلا بقا نرجع بيتنا

سمية

يلا يا بنتي يلا ارجعي مع جوزك يلا

وبعدها مشيت سارة هي واحمد في بيت سميرة بنتها قالت لها

رحاب

والله يا ماما انا مش عارفه انتي ليه لحد دلوقتي مخليا خالتي في الشقه اللي المفروض تبقا بتاعتك وبفلوسك

سميرة

ماهي متفقه معايا اني مخادش الشــ,قه ومحدش من ولادها يعرف حاجة غير لما هي تم\وت وانا مش عارفه اعمل ايه الصراحة انا عايزة ارميها بره البيت

رحاب

طيب ما هي دي فرصتك يا ماما وانتي نفذيها قولي لها انك محتاجة الشــ,قه وعايزاها وهي لازم تمشي وهي بقا تروح مطرح ماطروح هو انتي كنتي ولية أمرها ولا انتي نسيتي اللي حصل زمان

سميرة

ليه وهي دي حاجة تتنسي يا رحاب ماهو انا بعمل كل ده عشانك انتي وعشان اجيب لك حقك منها ومن اللي عملته معاكي

رحاب

انا الصراحة كل لما افتكر يا ماما بحس اني هيحصلي حاجة

وبدأت رحاب تفتكر اللي حصل وهي كانت عند خالتها وفاروق قالها

فلاش بااك

فاروق اخد رحاب وراح لأمه قالها

فاروق

ماما اعملي حسابك اني هاروح انا وانتي لخالتي سميرة عشان نخطب رحاب هي جاية معايا اهيه عشان تقولي قدمها انك موافقه عليها

سمية

ومين اللي قالك بقا اني موافقه عليها انا مش موافقه يا فاروق انا لا يمكن اناسب اختي سميرة دي ابدا

رحاب بصدمة

يا سلام وليه بقا يا خالتو مش موافقه عليا هو انا عملت لك ايه ولا ماما عشان تقولي كده

سمية

اسمعي يا رحاب انا مش موافقه وخلاص لأسباب خاصه يعني هو انا مش موافقه عليكي وخلاص وانت يا فاروق تشيل الموضوع ده من دماغك يابني

فاروق

ليه ياماما مش موافقه ليه وبعدين انا ورحاب بنحب بعض وعايزين نتجوز وانا مش هتجوز غيرها

سمية

وانا قولت لا يا فاروق وانتي يا رحاب ابعدي عن ابني وملكيش دعوة بيه خالص انا خلاص خطبت له

ومشيت رحاب من عندها وهي بتعيط ومنهارة وامها عرفت

بااااك

رجعت من تفكيرها وامها قالت لها

سميرة

متحطيش في دماغك يا حبيبتي انا هجيب لك حقك منها وارميها بره الشقه واخدها

وفي بيت فاروق مراتة قالت له

نشوي

هنشتري العربية امتى يا حبيبي انت كل يوم تقولي بكرة بعده وبعدين الفلوس كده هتتصرف

فاروق

طيب يا هو يا نشوي انا لو جبت العربية امي هتعرف ان مفيش مشروع ولا حاجة واننا كدبنا عليها عشان ناخد الفلوس منها هاقولها ايه بقا ساعتها

نشوي

بسيطة يا حبيبي انت تجيب العربية وبعدها نقولها اي حاجة اقولك نقولها انك هتشغلها في أوبر وهي هتصدق وبعدين امك عمرها ما هتقولك حاجة دي حتى بتحبك اوي

فاروق

ايوه هي بحبني انا عارف وعمرها ما اتاخرت عني في الفلوس ابدا بس برضو انا مش مطمن خالص

نشوي

خلاص يبقا انا هاخد الفلوس واجيب بيهم دهب وبرضو هنكدب عليها ونقول لها انك عملت المشروع وخلاص اي كلمتين كده وخلاص هو احنا يعني هنغلب يا فاروق دي بتصدق اي حاجة

فاروق

طيب خلاص احنا نروح نجيب العربية ونقولها اني هشغلها في أوبر

وفعلا راح فاروق اشتري عربيه بالفلوس وفضل يتفسح بيها هو ونشوي وفي البيت عندي الباب خبط فتحت وكانت سميرة وقالت

سميرة

ازيك يا سمية عامله ايه هو انتي نايمة ولا ايه مالك كده

سمية

ااه يا سميرة انا كنت نايمة والله لقيت نفسي عيني غفلت كده لوحدي تعالي ادخلي انتي هتفضلي هنا ولا ايه ادخلي يا سميرة

سميرة

لا يا ختي انا مش عايزة ادخل انتي اللي تخرجي بره يا سمية اصل الصراحة كده انا عايزة الشــ,قة

سمية بصد,مة

اخرج بره فين يا سميرة وبعدين هو انا وانتي مش كان في بينا اتفاق ولا انتي نسيتيه

سميرة

لا ازاى انا منستش حاجة بس انا الصراحة حرام ادفع فلوس وماخدش الشــ,قه اللي هي ملكي

سمية

ملكك ازاى بس يا سميرة هو انا مش قولت لك اني لما اروح ابقي خوديها ليكي زي ما انتي عايزة

سميرة

بس انا عايزاها دلوقتي يا سمية معرفش يا ختي هي ضــ,ربت في دماغي بقا ولازم اخدها دلوقتي ويلا يا حبيبتي روحي عند ابنك ولا بنتك

سمية

اروح عند ابني ولا بنتي ازاى بس يا سميرة وانا مش برتاح غير في بيتي وبس هو ده يعني جزاتي اني اتفقت معاكي الاتفاق ده عيب يا سميرة متخليش بيه

سميرة

معلش يا سمية انا خليت بالاتفاق واظن الشــ,قه من حقي اصلا وانا اللي المفروض اخدها ماهي حقي ياختي يلا يلا روحي لابنك ااه صحيح هو انتي متعرفيش ان ابنك اشتري عربية وعمال يتفسح بيها هو ومراتة ليل ونهار

سمية

ازاى الكلام ده لا انا ابني خد الفلوس عشان يعمل مشروع

سميرة

وانتي بقا بتصدقي الكلام ده ابنك ضحك عليكي يا ختي وخد الفلوس وراح اشتري بيها عربيه وعمال يلف بيها هو ومراتة يلا روحي لفي معاهم

وفي بيت سارة قالت لأحمد جوزها

سارة

انت جبت الفلوس دي منين يا احمد يعني انت معاك الفلوس دي كلها وانا كل لما اقولك عايزة فلوس ليا ولا لبنتك تقولي مش معايا

احمد

بقولك ايه الفلوس دي مش فلوسي دي فلوس واحد صاحبي سايبهم عندي هنا فوكك مني بقا وبطلي كلامك ده

سارة

يعني ايه الكلام ده هو انت ليه بتكدب انت مبتقولش الحقيقه ليه ها ما تقول ان الفلوس دي بتاعتك وخلاص

احمد

ايوه الفلوس دي بتاعتي انتي عايزة ايه بقا وانا مش هديكي منها حاجة خالص ويلا غوري من وشي دلوقتي انا مش طايقك

سارة

ليه يا حبيبي مش طايقني اسمعبقا لو مقولتش الفلوس دي منين انا هوديك في ستين داهيه تاخدك انا زهقت منك اصلا طــ,لقني

احمد

وانا مش هطلقك واوعي من وشي يا زفتة انتي اوعي كتك القرف اوعي

سارة

مش هوعي يا احمد و ريني انت عايز تعمل ايه بقا

وفي اللحظة دي احمد مسكها من رقبتها وفضل يخــ,نق فيها لحد لما سارة مــ,اتت وقال لنفسه

سارة

يانهار اسود ساره قومي يا سارة انا اسف حقك عليا قومي يا سارة

وسبها وطلع يجري وبنتهم اللي عندها خمس سنين قالت

البنت

ماما يا ماما اصحى ياماما مامااااا وفضلت تعيط

وانا رحت بيت فاروق وقالي

فاروق

والله يا ماما انا كنت هاقولك اني كنت عايز الفلوس عشان اشتري عربية واشغلها أوبر وانتي اكيد يعني هتبقي عايزة لي المصلحة بس انتي ايه اللي خلاكي تسيبي البيت وتيجي

سمية

ااه اصل انا كنت بايعه الشــ,قه لخالتك عشان اجيب لك الفلوس دي وخالتك طردتني من البيت وخدت الشــ,قة

فاروق

معقوله الكلام ده ازاى ياماما تعملي كده بس

سمية

اللي حصل يابني وبعدين هو انت مش جبت العربية عشان تشغلها خلاص اهي مصلحة

فاروق

طيب انا هاروح اعمل مكالمة شغل كده بره وجاي يا امي

وخرج من الاوضة وسمعتهم بيتكلموا وفاروق قال لنشوي

فاروق

عجبك كده اهي امي باعت شقتها عشان تجيب لي فلوس وانا اجيب عربية عشان نتفسح بيها

نشوي

 

وطي صوتك لتسمعك يا حبيبي وبعدين اسمع انا مش هستحمل امك معايا هنا انت لازم توديها دار مسنين انت سامع

دخلت عليهم وقولت

سمية

بقا دي اخرتها يا فاروق بقا انا ابيع شقــ’تي عشانك وانت تروح تجيب عربية واخرت المتمة مراتك عايزة توديني دار مسنين

فاروق

اهدي يا ماما نشوي متقصدش حاجة

سمية

انا غلطانة اني عملت كده ده انا كنت حارمة اختك عشانك

ولقيت اتصال جالي وعرفت ان بنتي جوزها وهو بيجري اتقــ,بض عليه وانا انهارت وقولت

سمية بحزن

ادي أخرت اللي تفضل ابنها على بنتها انا لو كنت خليت بالي من بنتي من الاول زي ما كنت بهتم بابني مكنش حصل لها اللي حصل ده الله يرحمك يا بنتي

بعدها اجرت شــــ,قة ورحت اعيش فيها واخدت بنت بنتي اربيها وفاروق طـ,لق مراتة عشان هي مقدرتنيش وكانت بتسلطة عليا

وبكده تكون خلصت حكايتي